Əlabbas Məhərrəmli: “Təzyiq məsələsini iddia edənlər, Mehmanın prezidentə müraciətini “unudurlar”
“Hazırda əsas məqam Mehman Hüseynova qarşı qaldırılmış yeni cinayət işinə xitam verilməsinin səbəbləri yox, faktın özüdür”.
Bunu Versus.Az-a siyasi ekspert Abbas Məhərrəmli son etiraz mitinqinin Mehman Hüseynovun azadlığa buraxılmasına təsirləri və yaxud burada başqa nüansların olması ilə bağlı ictimai müzakirələri şərh edərkən deyib.
“Bildiyiniz kimi, ötən həftə hüquq müdafiəçiləri və diplomatik korpusun nümayəndələri Mehmanla görüşən zaman o, vəziyyətinin normal olduğunu bildirmişdi. M.Hüseynov sadəcə, ona qarşı qaldırılmış ikinci cinayət işinə etiraz edirdi.
Dünən isə kifayət qədər qədər yüksək səviyyədə bəyan edildi ki, dövlət başçısı Mehmanın məsələsini nəzarətə götürüb”.
A.Məhhərrəmli hesab edir ki, bu bəyanatın verildiyi günün ertəsi Mehmana qarşı qaldırılmış cinayət işinə xitam verilməsi onun məsələsinin obyektiv araşdırılmasının nəticəsi sayıla bilər.
“Mən burada istər xarici, istərsə də daxili təzyiq amillərini istisna edirəm. Təzyiq məsələsini iddia edənlər Mehmanın prezidentə müraciətini “unudurlar”. Yenə deyirəm, əsas olan Mehmana qarşı qaldırılmış ikinci cinayət işinə xitam verilməsidir. Bu isə o deməkdir ki, bloqqer çəkdiyi cəza müddətinin tamamında azadlığa çıxacaq”.
Versus.Az
Xəbər lenti
Qorqudun Avroviziya 2024 mahnısının TƏQDİMATI
Sözləri həyatda qovuşa bilməyənlərin ömründə körpülərə çevrilən...