İstanbul terrorunun qurbanları

Dünən Türkiyənin İstanbul şəhərində, Taksim meydanında partlayışda həyatını itirənlər 3 ailənin 6 üzvüdür.

Faciə nəticəsində 38 yaşlı Arzu Özsoy 15 yaşlı qızı Yağmur Uçarla İstiqlal küçəsində gedərkən həyatlarını itiriblər.

Ailə və Sosial Xidmətlər Nazirliyində işləyən 34 yaşlı Yusuf Meydan da 9 yaşlı qızı Ecrin ilə gözəl bir bazar günü keçirmək üçün Taksimdə olublar. Ata-bala mülki vətəndaşları hədəf alan xainlərin qurbanına çevriliblər.

Həyatını itirənlərdən ikisi isə 40 yaşlı Adem Topkara və 27 yaşlı həyat yoldaşı Mukaddes Elif Topkara olub.

Türkiyə daxili işlər naziri Süleyman Soylu açıqlamasında qeyd edib ki, hadisədə 81 nəfər yaralanıb, onlardan 50 nəfər evə buraxılıb, 5 yaralı reanimasiyadadır, 2 yaralının vəziyyəti ağırdır. 24 nəfərin müalicəsi isə davam etdirilir.