Bir qətlin TƏFƏRRÜATI

09:41 24-11-2022 | icon 132 | Hadisə
Bir qətlin TƏFƏRRÜATI

24 yaşlı gənc dayısı oğlunu niyə öldürüb?

 

Ağstafada dayısı oğlu, 2001-ci il təvəllüdlü Çingiz Vəlizadəni qətlə yetirən 1998-ci il təvəllüdlü Əli Əsgərovun məhkəmə prosesi başa çatıb.

 

Versus.Az xəbər verir ki, Gəncə Ağır Cinayətlər Məhkəməsinin hökmünə əsasən, Ə.Əsgərov 13 il müddətinə azadlıqdan məhrum edilib.

 

Qeyd edək ki, hadisə ötən ilin 14 dekabr tarixində baş verib.

 

Cinayətə qohumlar arasında hadisədən təxminən 10 gün əvvəl torpaq sahəsinin suvarılması ilə bağlı yaranmış mübahisə səbəb olub.

 

Belə ki, Əli Əsgərov digər dayısı oğlu Ədalət xəstələndiyi üçün, onun əvəzinə Ağstafa rayonunun Qırılı kəndinə sahə suvarmağa gedib. Çingizə də Qırılı kəndində 18 hektar suvarmağa başqa yer olduğunu, istəyirsə, həmin torpağı suvara biləcəyini, ancaq həmin sahəni qismən suvardığına görə ona 20 manat pul verilməli olduğunu, uşağı xəstə olduğu üçün bu pula ciddi ehtiyacının olduğunu bildirib. Çingiz isə ona ancaq 10 manat pul verəcəyinə söz verib. Lakin Çingiz onun zəhmət haqqını yerin sahibindən alsa da, Əliyə verməyib. 

 

“Səhəri gün Çingiz pulu verməmək üçün bəhanə gətirdi, sahəyə gedib baxdığını, lakin sahənin yaxşı suvarılmadığını dedi. Təxminən 1 həftə ərzində Çingizdən gördüyüm işin zəhmət haqqını tələb etdim, lakin pulu verməyəcəyini dedi. Bu məsələyə görə Çingizlə mübahisə etdim, ona ağır sözlər dedim və “WhatsApp”da bloka atdım. Həmin vaxtdan sonra hadisə baş verən günə qədər Çingiz mənə zəng etməyə çalışıb. Eşitmişdim ki, aramızda baş verən son danışığa görə məni hər yerdə axtarır”, - Əli Əsgərov məhkəməsində bildirib.

 

Qohumlar yaranmış mübahisəyə aydınlıq gətirmək üçün Köçəsgər kəndində yerləşən su kanalının yaxınlığında üz-üzə gəliblər. Tərəflər arasında yaranmış dava zamanı Əli Əsgərov dayısı oğluna bir neçə bıçaq zərbəsi endirərək onu qətlə yetirib.

 

Əli ifadəsində onu da bildirib ki, dayısı oğlunu öldürmək niyyəti olmayıb. O, dava zamanı özünü müdafiə etdiyini bildirib: 

 

“Dediyi yerə gəlməyənə başqalarının yanında söyüş qoymuşdu. Çingizin dediyi yerə getməklə səhv etdim. Hər kəsdən üzr istəyirəm” - qətli törədən şəxs məhkəmədə deyib.

 

Qeyd edək ki, Əli Əsgərov hadisədən bir saat sonra tutularaq istintaqa təhvil verilib. /“Qafqazinfo”/

Xəbər lenti

InvestAZ

Ən çox oxunan xəbərlər

"Laçında bərpa işləri sürətlə davam edir"

“Azadlıq fədaisi”nin növbəti mükafatçısı - SORĞUYA START

"Bu gün Ermənistan narahat olmalıdır"

Erməni silahlılar Qarabağdakı mövqelərimizi atəşə tutdular

 

Brüssel görüşündən imtina... -siyasilərdən birmənalı mövqe

Kəlbəcər, Laçın və Ağdamdakı mövqelərimiz ATƏŞƏ TUTULUB

DTX Naxçıvanda daha bir qurumda əməliyyata başladı

Şuşa könüllüləri Şuşa üçün hazırlaşırlar

Bakıya meydan oxuyan “sülhməramlılar”

Qrup mərhələsinin III turunda daha dörd oyun keçiriləcək

Mundiallar tarixində İLK

Şəhid ailələri və qazilər üçün daha 400-dən çox fərdi evin tikintisi yekunlaşıb

DTX-nın NAXÇIVAN ƏMƏLİYYATI

Bakıda Kuzey Kıbrıs Türk Cümhuriyyətinin 39-cu ildönümü qeyd olundu

Fransızlar və amerikalılar ATƏT-in Minsk qrupunu dəfn etdilər