"Paris onlara baxıb ənənəvi düşmənçilik siyasətini gücləndirəcək"

“Ermənistanla Azərbaycan arasında mümkün müharibədə bir neçə maraqlı ölkə var”.

Versus.Az xəbər verir ki, bunu açıqlamasında Azərbaycan Liberal Demokrat Partiyasının (ALDP) Rəyasət Heyətinin katibi Nizami Verdiyev deyib.

Onun sözlərinə görə, Fransa ilə yanaşı ABŞ-ın da mümkün müharibədə maraqlı olduğu görünür:

“Hesab edirəm ki, Fransanın Azərbaycana qarşı siyasi-diplomatik məğlubiyyətindən sonra Paris ənənəvi düşmənçilik siyasətini gücləndirəcək. Sülh müqaviləsini imzalamaqdan boyun qaçıran Paşinyan da bunu istəyir. Paşinyan “bacısı” olan Makronu danışıqlarda dördüncü tərəf kimi görmək istəyir. Paralel olaraq, Fransanı Azərbaycana qarşı siyasi-diplomatik müharibəsinin gərginləşməsinə çalışır”.

Partiya yetkilisi qeyd edib ki, Ukrayna-Rusiya müharibəsinin uzadılmasını görən, bizim regionda müharibənin yenidən başlanmasına maraqlı olan ikinci bir dövlət ABŞ-dır:

"ABŞ bizim regionu Rusiyanın təsiri altından çıxarmaq istəyir. Amma ABŞ-ın seçdiyi yol, regionda gərginliyi gücləndirmək, müharibə yoludur”.

SEVDA
Versus.Az