Fuad Əliyev: "Bir adı, bir özü olan 20-30 illik partiyaların ləğvi siyasi mühitə təsir etməyəcək"

"Azərbaycanda bundan sonra kiçik partiyalar siyasi arenada qalmayacaq. Artıq bu partiyaların birləşməsi istiqamətində ciddi fəaliyyət başlayacaq".

Versus.Az xəbər verir ki, bunu açıqlamasında Azərbaycan Liberal Demokrat Partiyasının (ALDP) sədri Fuad Əliyev deyib. 

“Siyasi partiyalar haqqında" yeni Qanunla bağlı danışab ALDP sədri bildirib ki, birləşməklə bağlı partiyaya heç bir təklif gəlməyib:

"Olsa, biz bu təklifi dəyərləndirərik, amma bizim kiminləsə birləşmək fikrimiz yoxdur. ALDP olaraq yeni Qanunun daha sərt olmasının tərəfdarı idik. Təkcə bir adı olan 20-30 illik partiyaların bağlanmasının siyasi mühitə təsiri olmayacaq. Çünki bu partiyaların fəaliyyəti yalnız Ədliyyə Nazirliyin qeydiyyatdan keçən partiyaların siyahısında əks olunub. Artıq yeni reallıqlar var və siyasi partiyalar da işlərini bu reallığa uyğun qurmalı, indi daha çox məsuliyyətli olmalıdırlar".

Fuad Əliyev hesab edirəm ki, partiyaların sayı azalacaq, yeni nəslin nümayəndələri siyasi proseslərdə və siyasi partiyalarda daha aktiv olacaqlar:

"Bu mənada yeni Qanunla  siyasi partiyalarda xeyli canlanmanın şahidi olacağıq".