Qara, uzun saçlar - Elçin vəsf etdi

Səhnə və rəqəmsal platformlardan bir müddət uzaq qalan Azərbaycanın məhşur estrada müğənnisi Elçin Cəfərov yeni lahiyəsini təqdim edib.

Versus.az xəbər verir ki, klip üzərində Ajda Pekkan, Bengü, Yalın, Hadise, Mustafa Ceceli kimi populyar simalarla əməkdaşlıq edən, həmçinin “G.O.R.A”, “Şans kapıyı çalınca”, “Aşk tesadüfleri sever”, “Deliha”, “Kardeşim benim” filmlərinin quruluşçu rejissoru Veli Kuzlu və onun əməkdaşlıq etdiyi “The Post Brother” komandası işləyib.

Ekran işində “Kanatsız kuşlar”, “Kiralık aşk”, “Medcezir”, “Hercai” kimi seriallarda rol alan aktrisa Özlem Gezgin yer alıb.

Klipin süjeti bir zamanlar sevgili olan cütlüyün illər sonra qarşılaşması və yenidən eşq yaşamasından bəhs edir.
Elçin və Özlem Gezginin obrazı üzərində stilist Şule Zeytinci işləyib. “Qara uzun saçlar”ın layihə meneceri “Sartorial artist management” şirkətinin rəhbəri Vüqar Husiyevdir.

Kemal Yıldızın rejissorluq etdiyi “Qara uzun saçlar” musiqi videosu 3 fevral 2023 tarixində, saat 12:00-da muğəninin musiqi və rəqəmsal platformlarında yayımlanacaq.

Mahnının sözləri və musiqisi Elşən Mövsümova, aranjımanı Elvin İmanova aiddir.

Təqdimatda müğənni jurnalistlərin suallarını cavablandıraraq bilidirdi ki, yaxın gələcəkdə onun pərəstişkarlarına daha bir sürprizi olacaq. Onların qarşısına yeni bir layihə ilə çıxmasını söz verən müğənni, təbii ki sürprizin nədən ibarət olduğunu sirr olaraq saxladı.

Ayəndə Dadaşova
Versus.Az