Nərminə Abbasova: “Hər an yanlarındayıq, dərdlərinə şərikik”

Türkiyədə baş vermiş dəhşətli zəlzələ ilə əlaqədar Mayomed Medikal Fizioterapiya və Reabilitasiya Mərkəzi qardaş ölkəyə dəstək məqsədilə humanitar yardım kampaniyasına qoşulub.

Versus.Az xəbər verir ki, bununla bağlı MayoMed Klinikasından ailə həkimi, həkim terapevt Nərminə Abbasova məlumat verib.

Türkiyənin ölkəmizdəki səfirliyinin zəlzələ bölgəsinə humanitar yardım göstərilməsi ilə bağlı Azərbaycan vətəndaşlarına çağırışına qoşulan MayoMed Klinikasının həkimləri Türkiyənin təbii fəlakətdən zərər çəkmiş vilayətlərində hazırda ən çox ehtiyac duyulan ləvazimatların toplanmasına dəstək olublar.

“Özümün və MayoMed Klinikasının həkim kollektivi adından Türkiyədə baş vermiş dəhşətli zəlzələ ilə əlaqədar qardaş ölkəyə dərin hüzünlə başsağlığı verir, ölənlərə rəhmət, yaxınlarına səbr diləyirik. Allah zəlzələdən zərər çəkmiş insanlarımıza şəfa versin. Hər an onların yanındayıq, dərdlərinə şərikik”- deyə, Nərminə xanım bildirib.

Versus.Az