MMP də imzatoplama kampaniyasını yekunlaşdırıb
01:40 03-03-2018
|
534 |
Siyasət
Müasir Müsavat Partiyası Hafiz Hacıyevin Azərbaycan Respublikası Prezidentliyinə namizədliyinin qeydə alınması üçün seçici imzalarını toplama kampaniyasını başa çatdırıb.
MMP mətbuat xidmətindən versus.az-a verilən məlumata görə, partiya Hafiz Hacıyevin prezidentliyə namizədliyinin müdafiəsi üçün 64 dairə üzrə imzatoplama aksiyası keçirib. Partiyanın fəalları və yerli rayon təşkilatlarının nümayəndələri ölkə üzrə bütün ərazilərdə kampaniyanın yüksək səviyyədə həyata keçirilməsi üçün səy göstəriblər. Nəticə olaraq, martın 1-də imzatoplama kampaniyası yekunlaşıb, 45 mindən çox imza toplanıb. Seçki qərargahının üzvləri imza vərəqələrinin sonuncu dəfə nəzərdən keçirərək yoxlama işi aparıblar. Martın 2-də toplanmış imzalar sənədlərlə birlikdə Mərkəzi Seçki Komissiyasına təqdim edilib.
Qeyd edək ki, aprelin 11-də keçiriləcək prezident seçkilərində partiyanın sədri Hafiz Hacıyevin Azərbaycan Respublikasının prezidentliyinə namizədliyinin irəli sürülməsi barədə qərar qəbul edilib.
Xəbər lenti
Deputatdan ipoteka ilə bağlı TƏKLİF
"İpoteka kreditləri üzrə şərtlər yüngülləşdirilsin"