"Türk Dövlətləri Təşkilatı elə bir mərhələdədir ki...-açıqlama
“Ankarada düzənlənən Türk Dövlətləri Təşkilatının Zirvə görüşü fövqəladə bir toplantıdır və burada əsas mövzu Türkiyədə baş varən dəhşətli zəlzələdən sonra təşkilatın etdiyi və edəcəkləri önə gətiriləcək. Türk Birliyinin daha da möhkəmlənməsi , onun üzvlərinin artırılması məsələsi də gündəmə alınacaq. Zirvədə müşahidəçi kimi burada iştirak edən Türkmənistanın, Macarıstan və Şimali Kipr Türk Respublikasının da üzvlük məsələsinə baxıla bilər”.
Versus.az xəbər verir ki, bunu Azərbaycan-erməni Araşdırmaları Mərkəzinin rəhbəri, siyasi ekspert Qafar Çaxmaqlı Türk Dövlətləri Təşkilatının Ankarada keçirilən Zirvə görüşünün əhəmiyyəti və müzakirə səbəbləri ilə bağlı açıqlamasında bildirib.
Q.Çaxmaqlı eyni zamanda qeyd edib ki, Türk Dövlətləri Təşkilatı heç bir beynəlxalq birliyə alternativ deyil. Onun fikrincə, bu birliyə daxil olan ölkələr istədikləri başqa bir birlikdə iştirak edə bilərlər. Belə ki, birliyə daxil olmaq istəyən Macarıstan Avropa İttifaqının üzvüdür və bu, onun Türk Dövləti Təşkikatında fəaliyyətinə heç vaxt maneəçilik törətməyəcək.
Q.Çaxmaqlı hesab edir ki, dünayda gedən qlobal dəyişikliklər bu Birliyin daha mobil olmasını tələb edir.
“Ölkələrimiz arasında iqtisadi, siyasi və hətta hərbi birliyin qaçınılmaz olduğu ortadadır. Türk Dövlətləri Təşkilatının qarşısında duran bir çox problemlərin həlli istiqamətində də addımların atılması gözləniləndir. Türkiyə- Azərbaycan və Orta Asiya xəttindəki ölkələri birləşdirmək üçün komunikasiya xəttinin davamlı və təhlükəsiz olması və bu yolun dünyanını Asiya hissəsini Avropaya bağlayan xəttin nəhayət açılması məsələsi əsasa məqsədlərdən biri olmalıdır. Ümid edirəm ki, Azərbaycan Prezidenti bu problemin həlli üçün təkliflərini verəcək və Zəngəzur dəhlizinin açılması üçün, ona maneə olan qüvvələrin zərərsizləşdirilməsi üçün yekdil bir qərar da qəbul ediləcəkdir”.
Ekspertin fikrincə, Türk Dövlətləri Təşkilatı elə bir mərhələdədir ki, indi dövlətlərimizin qərarlı və ciddi yanaşmalarından çox şey asılıdır. Şübhəsiz ki, burada öncül rolu Türkiyə oynamaqdadır.
“Bu gün zəlzələnin yaralarını sarmaqla məşğul olan qardaş ölkənin önündə dayanacaq liderə ehtiyac hiss olunur. Zənnimcə bu rolu Azərbaycan öz üzərinə götürməli və Türk Dövlətləri Təşkilatının qarşıya qoyduğu vəzifələrin yerinə yetirməsində ardıcıllığı təmin etməyi üstlənməlidir”.
Tahirə Qafarlı
Versus.az
Xəbər lenti
Tarixi dostluq və mehriban qonşuluq
"Əlaqələr gələcəkdə daha da inkişaf etdiriləcək"