Kişi kimi kişi, ərən kimi ərən - MÜBARİZ İBRAHİMOV

10:28 07-02-2019 | icon 421 | Gündəm
Kişi kimi kişi, ərən kimi ərən - MÜBARİZ İBRAHİMOV

 

Bu gün Azərbaycanın Milli Qəhrəmanı Mübariz İbrahimovun doğum günüdür. Azərbaycan kişisinin, ərəninin şücaət dolu qəhrəmanlığının təcəssümü. İgidliyi və rəşadəti əslərlə özündə qoruyub saxlayan Azərbaycan kişisinin simvolu. Vətən təəssübkeşliyinin, ana-bacı namusunun qoruyucusu. Kişi kimi kişi, ərən kimi ərən.

 

Mübariz İbrahimov 1988-cı ilin bu günü - fevral ayının 7-də Biləsuvar rayonunun Əliabad kəndində anadan olub. O, hamı kimi doğulsa da, hamı kimi yaşamayan bir əfsanəyə çevrildi. Babəklərin, Koroğluların, Mehdilərin, Həzilərin keçdiyi qəhrəmanlıq və rəşadət yolunu uğurla davam etdirdi. Vətən eşqi, Vətən sevgisi qəlbinin sönməz atəşi oldu və bu sönməzlik, bu sevgi onu amansız düşmənə qəhrəmanlıq dərsi keçməyə, Azərbaycan kişisinin məğlubedilməzliyini, əyilməzliyini, bir qarış torpağını belə düşmənə verməyəcəyini, son damla qanınadək mübarizə aparıb, təslim olmayacağını göstərməyə vadar etdi. Düşmənin öz silahını özünə qarşı istifadə edərək, beş saat onlarla təkbətək döyüşdü. Nəinki adından, hətta cansız bədənindən belə qorxan düşmən 14 gün onun cəsədini saxladı.

 

...İgidini qəhrəmanlıqla qarşıladı Azərbaycan xalqı. Müqəddəslik simvolu olan Azərbaycan bayrağına bükülmüş tabut barmaqlar ucunda son mənzilə yola salındı. "Qəhrəmanı ağlamazlar" deyən Şamama ana fəxrlə öz övladının tabutunun altına girdi. "Şəhid olsam, ağlamayın, əksinə, sevinin ki, o məqama yüksəlmişəm" - deyən Mübarizin məqamını uca sandı valideynləri, yaxınları və artıq hər bir ailənin öz övladına çevirmiş Azərbaycan xalqı.

 

Şəhidlər ölməz - deyərək ondan sonra qələbə əzmkarlığı ilə döyüşə atıldı Nurlanlar, Raminlər, Turallar, Anarlar, Tapdıqlar ... Və ölməzliyi yaşatdılar ölümsüzlükləri ilə...

 

MEHRİBAN SADIQOVA

Xəbər lenti

InvestAZ

Ən çox oxunan xəbərlər

QHT LAYİHƏYƏ START VERDİ

Müalicəsiz buraxılmış bu xəstəlik çox ağır fəsadlar verə bilər

AXH: Hakimiyyətdən bu cür siyasətinə son qoymasını tələb edirik

Qan testi ilə ölüm tarixini öyrənmək mümkün olacaq

"Mərhum anidən dirildi, yoxsa diri-diri dəfn edəcəkdik" - MÜSAHİBƏ

15 yaşında Şəhadətə yüksəlmiş Tiqanamız

Bakı-Naxçıvan-Bakı marşrutu ilə sərhədkeçmə prosesi asanlaşdı

"Asma körpü"nün bərpasi ücün rayon rəhbərliyinə müraciət edirəm

Jurnalistin qardaşının evi yenə qarət edildi

Dövlət komitəsi Məhərrəmlik ayı ilə bağlı müraciət etdi

"Bu gün sizlərin yarıtmaz siyasəti xalqı hər gün yeni qəzalar keçirməyə vadar edir"

Millət vəkilinin tanınmış qadın siyasətçiləri, QHT, KİV, təşkilat rəhbərləri ilə görüşü davam edir

DƏRD AĞACINDAN ASILI QALAN ŞƏHİD ARZULARI

Ulu öndər Heydər Əliyevin yaxın dostu Osman Gezekerin ailəsi Azərbaycana təşəkkür etdi

23 avqust - Cəbrayıl və Füzuli rayonlarının işğal olunduğu gündür