Tələbə Basketbol Liqasında finalçılar müəyyənləşib

“TamGənc” Tələbə Basketbol Liqasında finalçılar müəyyənləşib

Versus.az xəbər verir ki, 19 aprel tarixində ABB-nin sponsorluğu ilə Azərbaycan Texniki Universitetinin idman zalında “TamGənc” Tələbə Basketbol Liqasının yarımfinal oyunları baş tutub.

İlk yarımfinal qarşılaşmasında Azərbaycan Texniki Universitetinin (ATU) komandası, Azərbaycan Dövlət İqtisad Universitetinin (ADİU) komandasına 114-60 hesabı ilə qalib gələrək, finala vəsiqə qazanıb.

İkinci yarımfinal görüşündə isə Azərbaycan Dövlət Bədən Tərbiyəsi və İdman Akademiyasının (ADBTİA) komandası, Azərbaycan Neft və Sənaye Universitetinin (ADNSU) komandasına 102-82 hesabı ilə qalib gəlib və ikinci finalçı olub.

Qeyd edək ki, "TamGənc" Tələbə Basketbol Liqasında 21 aprel 3-cü yer uğrunda görüş (ADİU -ADNSU),

23 aprel isə final oyunu (ATU-ADBTİA) baş tutacaq.

Pəri

Versus.az