“Keçmişə səyahət” - TƏQDİMAT
Milli Azərbaycan Tarixi Muzeyində “Путешествие в прошлое» (“Keçmişə səyahət”) adlı kitabın təqdimatı keçirilib.
Versus.Az-ın məlumatına görə, sözügedən kitab millət atası adlandırılan Hacı Zeynalabdin Tağıyevin ailəsindən bəhs edir.
Əsərin müəllifi, geologiya-mineralogiya üzrə fəlsəfə doktoru Səidə Miri-zadə ailənin bir üzvü olaraq, eşitdiklərini, gördüyü və bildiklərini bu kitabda toplayıb.
Təqdimat mərasimini Muzeyin elmi katibi, t.ü.f.d., dossent Fərhad Cabbarov açaraq, XIX-XX yüzilin əvvələrində fəaliyyət göstərmiş böyük xeyriyyəçi, maarifpərvər ziyalı olmuş H.Z.Tağıyev haqqında və bu kitabın böyük əhəmiyyətindən danışıb.
Sonra kitabın müəllifi Səidə Miri-zadə öz kitabını təqdim etdi və mövzuya aid bir neçə açıqlama verib. Kitabın səhifələrindən baxan fotoşəkillər müəllifin fikrini ailənin möhkəm və ziyalı olduğunu ifadə edir.
Səidə xanım H.Z.Tağıyevin kiçik qızı Sürayənin gəlinidir. Və bu, kitabın nə qədər maraqlı və faydalı olduğundan xəbər verir.
Tədbirdə muzeyin direktoru, akademik Nailə Vəlixanlı, Jurnalist Nadejda İsmailova, rəssam Arif Hüseynov, Sürayə xanımın nəvəsi Nazim Abdullayev və başqaları çıxış edərək, bu kitabın əhəmiyyətindən danışıb, kitabın müəllifinə öz minnətdarlığını bildirdilər.
Çıxışlarda bir arzu da səsləndi – Hacı Zeynalabdin Tağıyev haqqında mütləq əhatəli film çəkilməlidir.
Sonda bir daha çıxış edən müəllif tədbiri təşkil edənlərə və burada iştirak edənlərə öz təşəkkürünü bildirərək, bir arzusunu da bildirdi – H.Z.Tağıyevin açdığı qız məktəbinin üzərində millət atasına aid bir lövhə qoyulsun.
Ayəndə Dadaşova
Versus.Az
Xəbər lenti
Klipi üçün 10 kilo çəki atdı
Pərviz Mahmudov "Vurulmuşam" dedi