“Paşinyanın Qərbyönümlü siyasəti tamamilə puç olub” 

12:10 18-02-2019 | icon 138 | Geopolitika
“Paşinyanın Qərbyönümlü siyasəti tamamilə puç olub” 

 

Qərb (ilk növbədə ABŞ) Dağlıq Qarabağa dair danışıqlar prosesinin intensivləşdirilməsinin tərəfdarıdır.

 

Versus.Az xəbər verir ki, bunu  55-ci Münhen Təhlükəsizlik Konfransı çərçivəsində Azərbaycan və Ermənistan XİN rəhbərlərinin nəzərdə tutulan görüşünə münasibət bildirən politoloq Qabil Hüseynli deyib.

Politoloq bildirib ki, Qərb bu məsələlərə bu və ya digər formada müdaxilə edərək prosesin canlanması ilə praktiki nəticələrə nail olmaq istəyir:

“Bir müddət öncə ABŞ Prezidentinin milli təhlükəsizlik üzrə müşaviri Con Boltonun bu məsələlərdə aktiv rol oynaması Rusiyada qıcıq doğurdu. Amma Rusiya nəinki məsələyə qısqanclıqla yanaşdı, bütövlükdə tərəflərdən birini – Ermənistanı tam nəzarəti altına alaraq, danışıqlar prosesini öz inhisarına götürdü. İndi danışıqlar prosesi ərəfəsində yaranmış siyasi mühitin səciyyəsinə, xarakteristikasına gələndə deməliyik ki, erməni tərəfi Rusiyanın müdaxiləsindən sonra mövqelərini xeyli sərtləşdirib. Baş nazir Paşinyan danışıqlar prosesinə əngəl ola biləcək kifayət qədər məsuliyyətsiz bəyanatlar səsləndirir. Mən belə hesab edirəm ki, bu bəyanatların səsləndirilməsi təkcə Paşinyanın mövqeyi deyil, ona kənardan təsirin də olduğu aydın görünür. Rusiya prosesə tam da olmasa, bəlli ölçülərdə nəzarət edir desək, yanılmarıq. Çünki erməni tərəfi tamamilə Rusiyanın yönləndirdiyi istiqamətlə hərəkət edir və proseslərdə qeyri-konstruktivliyin daha çox hissəsi məhz bu düzəlişin nəticəsində baş verir”.
Politoloq 55-ci Münhen Təhlükəsizlik Konfransı çərçivəsində Azərbaycan və Ermənistan XİN rəhbərlərinin gözlənilən görüşünə diqqət çəkib:


“Rusiya XİN rəhbəri də bu görüşdə iştirakı ilə dünyaya göstərmək istəyir ki, prosesdə həlledici rol Rusiyaya məxsusdur. Ən azı belə bir təəssüratın yaranması Rusiya xarici siyasəti üçün həlledici əhəmiyyətə malikdir. Bunu Münhen Təhlükəsizlik Konfransında göstərmək Rusiya üçün vacibdir. Lavrovun artıq Mnatsakanyanla baş tutan görüşü və Qarabağla bağlı müzakirənin aparıldığı barədə məlumatın yayılması dediklərimizi təsdiqləyir”.
Politoloq keçiriləcək görüşün nəticəsinin olub-olmayacağı ilə bağlı məsələyə də münasibət bildirib:
“Bir çox ekspertlər bu məsələyə “Yox” cavabı verir. Onlar bu fikirlərini ciddi təhlillərlə əsaslandırırlar. Ermənistan tərəfinin nə dərəcə dağıdıcı və qeyri-konstruktiv mövqe tutması göz önündədir. Ermənistanın bu mövqeyində Rusiyanın kifayət qədər təsirinin olduğunu söyləyənlər də az deyil. Bu məsələdə birmənalı fikir odur ki, Rusiya Dağlıq Qarabağ probleminin həllinə hələ hazır deyil. Ona görə də bu münaqişənin həll olunmasını istəmir. Çünki Cənubi Qafqaza ABŞ-ın müdaxilə etməsi Rusiyanı xeyli qıcıqlandırır və Rusiyanın bu məsələnin həllinə olan həvəsini səngidir. Onlar bu məsələnin dondurulmuş vəziyyətdə saxlanılmasını istəməklə bölgədəki təsirlərini qoruyurlar. Eyni zamanda artıq bu da bir faktdır ki, Paşinyanın qərbyönümlü siyasəti barəsində söylənilən fikirlər tamamilə puç olub və illüziyaya çevrilib. ABŞ-ın Ermənistanı Rusiyanın vassalı hesab etməsi heç də təsadüfi deyil. Azərbaycan və Ermənistan XİN rəhbərlərinin görüşündə Lavrov müxtəlif variantlardan, siyasi manevrlərdən istifadə edəcək və görüşdə fundamental məsələlərin öz həllini tapmasını istəməyəcək, yaxud da Azərbaycan üçün qeyri-məqbul sayılan məsələlərin gündəliyə çıxarılmasına çalışacaq. Beləliklə də görüş haqqında yanlış təəssüratların yaranmasına nail olacaq”.
Politoloq qeyd edib ki, hər iki dövlət rəhbərlərinin görüşünün baş tutması məsələsi də gündəmdədir:
“Hətta bu görüşün ABŞ-da baş tutacağı da istisna edilmir. Zənnimcə, Lavrov əvvəla liderlərin görüşü üçün lazım olan sənədlərin gündəliyə çıxarılmasını əngəlləyəcək. Azərbaycan və Ermənistan rəhbərlərinin görüşü üçün lazım olan əsaslar gündəmdə olmayacaq. Əlbəttə, bütün bunlar mövcud versiyalardır. Amma bu versiyaların olma ehtimalı çox yüksəkdir”.

 

Versus.Az

Xəbər lenti

InvestAZ

Ən çox oxunan xəbərlər

Partiya sədrindən rektora AÇIQ MƏKTUB

14 iyul 1959-cu il - Kərkük soyqırımı...

“Bu infeksion xəstəlik insandan insana keçir”

"Sovet İttifaqında doğulan hər kəs Rusiya vətəndaşlığı ala bilər" - BƏYANAT

Şəkidə çoxəsrlik çinar ağacı necə aşdı? /VİDEO/

“Nə yazıq ki, “Kərkük soyqırımı” ilə bağlı heç bir film çəkib səsimizi dünyaya duyura bilmədik”

713-cü batalyonun şəhidləri

ZİYASIZ ZİYALILAR...

Tələbə rektordan diplomunu oynaya-oynaya aldı - QEYRİ-ADİ TƏQDİMAT /VİDEO/

“Səddam rejimi türkçülüklə, dillə bağlı hər şeyi yasaq etdi”

Füzuli Rzaquliyev Azərbaycan Xalq Cümhuriyyəti yaranması yubley medalı ilə təitif edilib

Azərbaycana sızan Rusiya “sevgisi”

Kəsik qolların harayı və "Amerika idealizmi"

Yasəmən Qaraqoyunlu Türk soyqırımlarının tarixi-siyasi səbəblərini açıqladı

Avrasiya Universitetində “Ərəbşünaslıq mərkəzi”nin açılışı olub