Xocalı soyqırımının qurbanları...
Türkiyənin müxtəlif bölgələrində anılacaq
Azərbaycan Respublikası "Xocalı Soyqırımını Tanıtma" ictimai birliyinin sədri, "Ana harayı"qəzetinin baş redaktoru, müharibə veteranı Şamil Sabiroğlunun (Ələkbərli) rəhbərlik etdiyi nümayəndə heyəti Xocalı soyqırımının 27-ci ildönümü ilə əlaqədar təşkil olunan tədbirlərdə iştirak etmək məqsədilə fevralın 20-də Türkiyəyə ezam olunacaq.
Versus.Az-ın məlumatına görə, Birliyin fəalları Türkiyənin Antalya, Ankara şəhərlərində, habelə, Kastamonu və Aksaray Universitetlərində təşkil edilən Xocalı soyqırımının qurbanlarının əziz xatirəsini anma tədbirlərində iştirak və çıxış edəcəklər.
Nümayəndə heyətinə Xocalı sakinləri - Respublikanın Əməkdar həkimi, "Azərbaycan bayrağı" ordenli, ehtiyatda olan tibb xidməti kapitanı Məmməd Ağalar oğlu Nağıyev və Birliyin Qadınlar Şurasının və Binəqədi rayon şöbəsinin sədri, II dərəcəli milli münaqişə zəminində əlil Ayna Allahyar qızı Novruzova daxildir.
Qeyd edək ki, səfər 2019-cu il martın 2-dək davam edəcək.
Versus.Az
Xəbər lenti
Deputatdan ipoteka ilə bağlı TƏKLİF
"İpoteka kreditləri üzrə şərtlər yüngülləşdirilsin"