Tramp Şimali Koreyadan nüvəsizləşdirmə sahəsində “tam proqram” istəyib

ABŞ prezidenti Donald Tramp “Fox News” kanalına verdiyi müsahibədə Şimali Koreya lideri Kim Çen Inla apardığı danışıqların nədən praktik nəticələrə gəlmədiyini açıqlayıb.

Dövlət başçısının sözlərinə görə, tərəflər yarımadanın nüvəsizləşdirilməsi məsələsində anlaşa bilməyiblər.

Ağ Evin sahibi KXDR rəhbərliyinin onlara qismən nüvəsizləşdirmə apara biləcəklərini bildirsə də, ABŞ Koreya yarımadasının tamamilə silahsızlaşdırılması məsələsində israr edib. Bundan başqa, Tramp Şimali Koreyadan nüvəsizləşdirmə sahəsində “tam proqram” təqdim olunmasını istəyib.

“Onlar (KXDR) buna hazır deyildilər. Mən bunu anlayıram. Mən onlardan tamamilə nüvə silahından qurtulmalarını istədim, lakin rəsmi Pxenyan yalnız buna qismən gecə biləcəyini söylədi”,-deyə Tramp bildirib.

Bundan başqa, ABŞ rəhbəri qarşı tərəfin tam olmayan nüvəsizləşdirmənin müqabilində sanksiyaların bir hissəsinin götürülməsi təklifinin də ona “doğru gəlmədiyini” vurğulayıb.

Versus.Az