Qənirə Paşayeva: “Elnur Əliyev kimi qəhrəmanlarımız həmişə qəlbimizdə yaşayacaq”
Sumqayıtda Aprel zəfəri qəhrəmanlarından, şəhid mayor Elnur Əliyev haqqında filmin təqdimatı olub. Təqdimatda millət vəkili Qənirə Paşayeva da iştirak edib.
Versus.Az-ın məlumatına görə, tədbirdə çıxış edən millət vəkili filmin hazırlanmasında əməyi keçənlərə təşəkkürünü bildirib. Qeyd edib ki, bu cür filmlərin çəkilib yayılmasına çox ehtiyac var:
“Elnur Əliyev kimi qəhrəmanlarımız həmişə qəlbimizdə yaşayacaq. Xalqımız, vətənpərvər ruhda böyüyən gənc nəsil Elnur Əliyevin xidmətlərini heç zaman unutmayacaq. Cəbhə bölgəsinə gedən zaman onunla şəxsən tanış olmuşdum. Tovuzda ön cəbhədə xidməti dövründə tez-tez görüşürdüm. O, böyük vətən məhəbbəti ilə yaşayırdı”.
Paşayeva vurğulayıb ki, Elnur Əliyevin ömür yolu bugünkü gənclərə əsl örnəkdir. Və nə qədər ki, Azərbaycan xalqı var, belə oğulların əziz xatirəsi heç vaxt unudulmayacaq. Millət vəkili televiziya rəhbərlərini qəhrəman şəhidlərimiz haqqında hazırlanan bu cür filmləri tez-tez nümayiş etdirməyə çağırdı:
“Torpaqlarımızın 20 faizi hələ də düşmən işğalı altındadır və gənclərimizin vətənpərvərlik ruhunda yetişməsi üçün özünü vətən, əsgərlərimizi qorumaq üçün qumbara üstünə ataraq şəhid olan Elnur Əliyev kimi qəhrəmanların həyat yolundan gənclərimiz örnək almalıdır. Şəhidimizlə bərabər onun ailəsi qarşısında da baş əyirk”.
Q.Paşayeva “dövlətimiz və xalqımız hər zaman yanınızdadır” deyib.
Millət vəkili tədbirdən sonra qəhrəman şəhidimizin ailəsi ilə görüşüb, geniş söhbət edib. Eyni zamanda tədbirdən sonra Aprel zəfəri şəhidlərimizin bəzilərinin ailə üzvləri ilə görüşüb, fikir və qayğıları ilə maraqlanıb.
Qeyd edək ki, film Azərbaycan Respublikasının Prezidenti yanında qeyri-hökumət təşkilatlarına Dövlət dəstəyi şurası və Mədəni İnkişaf Mərkəzinin (MİM) dəstəyilə çəkilib.
Xəbər lenti
Xocalıda insan qalıqları AŞKAR EDİLİB
İtkin düşmüş, girov götürülmüş vətəndaşlarla əlaqədar...