“Təklif edirəm “4-cü Qardaşlıq Mədəniyyəti” gecəsi Cocuq Mərcanlıda keçirilsin”
Azərbaycan Yazıçılar Birliyi, Azərbaycan Bəstəkarlar İttifaqı və İLESAM-ın birgə təşkilatçılığı, “Azərkitab” və “Büyükfırat” qrupunun təşkilatı dəstəyi ilə Dövlət Filarmoniyasında müstəqilliyimizin 26-cı illiyinə həsr olunmuş “3-cü Qardaşlıq Mədəniyyəti” adında ədəbi-bədii gecənin açılışında çıxış edən millət vəkili Qənirə Paşayeva Türk dünyasının birliyi və bərabərliyinin daha da güclənməsinin vacibliyindən geniş danışıb.
Versus.Az-ın məlumatına görə, millət vəkili çıxışında Qarabağ başda olmaqla Türk dünyasının yaşadığı böyük acılardan, problemlərdən, Azərbaycana və qardaş Türkiyəyə qarşı böyük güclərin ikili standartlarından danışıb:
“Yeni bir Çanaqqaladan keçirik. Çanaqqalada yüzlərlə Azərbaycan türkü şəhid olub. Dədələrimiz birlik və bərabərlik içində bizə zəfərin yolunu göstərdi. Yenə də birlik, bərabərliyimizi daha da gücləndirib zəfər qazanacağıq. Bu gün Türkiyədən olan dəyərli qardaşlarımızla birlikdə bu gözəl bayramımızı burada birlikdə qeyd etməmiz çox önəmlidir, eyni zamanda dosta da düşmana da bir mesajdır”.
Q.Paşayeva torpaqlarımızın işğaldan azad olunacağı günün də uzaq olmadığını vurğulayıb:
“Arzu edirəm ki, gələn bayram tədbirlərimizi Ali Baş Komandan, prezidentimiz cənab İlham Əliyevin rəhbərliyi altında birlik və bərabərlik içində işğaldan azad edəcəyimiz Dağlıq Qarabağımızda, Xankəndində, Xocalıda, Şuşada və digər o gözəl torpaqlarımızda qeyd edək. Təklif edirəm ki “4-cü Qardaşlıq Mədəniyyəti” gecəsi Cocuq Mərcanlıda keçirilsin və düşmənə daha bir mesaj verilsin”.
Millət vəkilinin təklifi alqışlarla dəstəklənib.
Nilufər
Versus.Az
Xəbər lenti
Daha bir bank BAĞLANIR
Depozitlərin və kreditlər portfelinin azalması da...