Laçın məktəbində Müstəqillik günü

Laçın rayon 37 saylı tam orta məktəbində 18 Oktyabr – Azərbyacnın Müstəqillik Günü təntənəli şəkildə silsilə tədbirlərlə qeyd edilib.

Versus.Az xəbər verir ki, məktəbin direktoru Səxavət Məmmədov şagird və müəllim kollektivi qarşısında çıxış edərək Azərbaycan tarixinə qızıl hərflərlə yazılan bu tarixi günün əhəmiyyətindən, uğurlarından söz açıb. O, şagirdləri öz bilik və bacarıqlarını artıqmaqla Azərbaycanın müstəqilliyinin daha da möhkəmləndirilib inkişaf etdirilməsində mühüm rola malik olacaqlarını vurğulayıb. Direktor müstəqilliyimizin başda Prezident İlham Əliyev olmaqla daha möhkəm və əbədi olması arzusu ilə hər kəsi təbrik edib, müəllimlərə işlərində, şagirdlərə dərslərində uğurlar arzulayıb.

Tədbir məktəbin 9, 10, 11-ci sinif şagirdlərinin Ağcabədi şəhər Heydər Əliyev Mərkəzinə ekskursiyası ilə davam etdirilib. Burada ümummilli liderin həyat və fəaliyyəti, eləcə də tarixi irsi ilə yaxından tanış olublar.

Məktəbin şagird və müəllim kollektivi eyni zamanda, Ağcabədi şəhər Heydər Əliyev Meydanında ulu öndərin büstünü ziyarət ediblər, qarşısına tər-çiçəklər düzüblər.