Nazirlikdən yataqxanada yanğın zamanı xəsarət alan 2 nəfərlə bağlı AÇIQLAMA
Bakının Nərimanov rayonunda yerləşən məcburi köçkünlərin məskunlaşdığı yataqxanada baş verən yanğın zamanı xəsarət alan iki nəfərin müalicəsi 1 saylı Kliniki Tibbi Mərkəzin Toksikologiya şöbəsində davam etdirilir.
Versus.Az xəbər verir ki, Səhiyyə Nazirliyindən report-un sorğusuna cavab olaraq bildirilib ki, vəziyyəti stabil olan iki şəxsin müalicəsi üçün lazımi tədbirlər görülür.
Onların da sabah evə buraxılması gözlənilir.
Qeyd edək ki, martın 6-da Bakı şəhəri, Nərimanov rayonu ərazisində yerləşən Azərbaycan Dövlət Mədəniyyət və İncəsənət Universitetinin balansında olan, hazırda Ağdam rayonundan olan məcburi köçkünlərin məskunlaşdığı beşmərtəbəli yataqxanada yanğın olub.
Yanğın nəticəsində 1953-cü il təvəllüdlü Əliyeva Eliza İdris qızı və 1951-ci il təvəllüdlü Əliyev Surxay Yusif oğlu ölüb. 5 nəfər isə tüstüdən zəhərlənib və xəstəxanaya yerləşdiriliblər. Onlardan 3-ü martın 6-da evə buraxılıblar.
Versus.Az
Xəbər lenti
Keniyanın müdafiə naziri helikopter qəzasında öldü
5 sərnişin həlak olub, daha 3 nəfər tibb müəssisələrinə aparılıb