Türkmənlərə qarşı terror davam edir - ÖZƏL
Dünən gecə Mahmur və Dıbıs ətrafında baş verən terror hücümu zamanı 6 nəfər türkmən şəhid olub, çoxlu sayda yaralılar var.
Türkməneli Partiyasının qərargahından versus.az-a verilən məlumata görə, yaralıların əksəriyyətinin vəziyyəti agırdır. Məlumatda deyilir:
“Təəssüf ki, İraqda türkmənlərə qarşı terror davam edir. PKK və İŞİD müxtəlif yerlərdə pusquda dayanıb, xaincəsinə hüçumlar edirlər. Dünən geçə saatlarında türkmən torpaqlarını qəhrəmancasına qoruyan Haşdi Şabi konvoyuna hücum nəticəsində 6 nəfər hadisə yerində həlak olub, çoxlu sayda yaralılar var. Yaralılar xəstəxanaya yerləşdirilib, çoxunun vəziyyəti agırdır. Tuzhurmatıdan olan şəhid qardaşlarımız türkmən torpaqlarını terrorçulardan qəhrəmancasına qoruyurdular. Nə yazıq ki, terrorçular türkmənlərə qarşı xain terror planlarından, qətllərdən əl çəkmirlər. Çox vaxt pusqu qurub, terroru gecə saatlarında törədirlər”.
Türkməneli partiyasının qərargahından onu da əlavə etdilər ki, hazırda təhlükə davam edir. Türkmənlərin müdafiəsi, təhlükəsizliyi üçün önləmlər alınır:
“Bütün bunlar yetərli deyil. Çünki terrorçuların nə vaxt, haradan hüçum edəcəkləri bəlli olmur. Son illər on mindən artıq şəhid verən Türkməneli şəhidlərinin sırasına dünən gecə altı oglumuz da qoşuldu. Bütün zorluqlara baxmayaraq geçə - gündüz ayaqdayıq, torpaqlarımız, xalqımız ugrunda şəhid olmaga hazırıq. Təəssüf ki, terrorun sonu görünmur”.
ALLAH şəhid olan türkmən qardaşlarımıza rəhmət eləsin. Məkanları cənnət olsun. Ailələrinə səbr, yaralılara şəfa diləyirik.
Ağanisə Sultanova
Versus.Az
Xəbər lenti
Xocalıda insan qalıqları AŞKAR EDİLİB
İtkin düşmüş, girov götürülmüş vətəndaşlarla əlaqədar...