Məktəbə hazırlıq sinfində oxuyanlar başqa məktəbi seçmək üçün nə etməlidirlər?- RƏSMİ

17:15 07-03-2019 | icon 246 | Təhsil
Məktəbə hazırlıq sinfində oxuyanlar başqa məktəbi seçmək üçün nə etməlidirlər?- RƏSMİ

 

Məktəbəhazırlıq qruplarında oxumayan uşaqların I sinfə sənəd qəbulu mart ayının 13-də start götürəcək. MHQ-nı bitirən uşaqlar üçün isə martın 11-də sistem açıq olacaq.

Versus.Az xəbər verir ki, Təhsil TV-nin “Həftənin sualı” verilişində Bakı Şəhəri üzrə Təhsil İdarəsinin müdir mavini İlhamə Abdullayeva I sinfə qəbulla bağlı izləyicilərin suallarını cavablandırıb.

O bildirib ki, övladları məktəbəhazırlıq qrupunda təhsil alan valideynlər bu il I sinfə qəbul üçün heç bir əziyyət çəkməyəcəklər. Çünki artıq məktəbəhazırlıq qruplarında oxuyan uşaqlar üçün şəxsi iş açılıb və onlar digər şagirdlərdən bir pillə öndədirlər:

“Martın 11-i, saat 10-da  belə valideynlərin qeydiyyatdan keçdikləri elektron ünvan və ya mobil telefonlarına elektron ərizəni çap etmələri ilə bağlı bildiriş göndəriləcək. Onların övladlarının təhsil aldığı məktəb, müəllim üzrə elektron soğu avtomatik olaraq sistemə yerləşdirilib. Valideynin öhdəsinə düşən yalnız şəxsi kabinetə daxil olaraq övladının məktəbə sorğusuna dair ərizəsini çap edib ümumtəhsil müəssisəsinə təqdim etməkdir. Bununla da övladı I sinfə qəbul olunmuş hesab edilir. Ərizəni isə sentyabrın 15-ə qədər məktəbə təqdim edə bilərlər”.

Onun sözlərinə görə, valideyn övladının məktəbəhazırlıq sinfində təhsil aldığı məktəbi deyil, başqa ümumtəhsil müəssisəsini istəyirsə, sorğunu silə bilər. O, sorğunu sildikdən sonra yaşadığı ərazi üzrə digər məktəbi seçmək hüququna malikdir.

İlhamə Abdullayeva onu da bildirib ki, məktəbəhazırlıq sinfində təhsil alan və almayan şagirdlər orta məktəb daxilində eyni hüquqlara malikdirlər. Əgər məktəbəhazırlıq şagirdlərinin oxuduğu sinifdə əlavə yerlər olarsa, məktəbəhazırlıq keçməyən şagird də ora qəbul oluna bilər:

“Sinifdə yer olmadıqda isə valideyn digər yeni açılmış sinifdə rahat şəkildə sorğu yerləşdirə bilər. Burada daha tez müraciət etməyin o qədər də əhəmiyyəti yoxdur. Valideynin seçdiyi məktəb yaşadığı ərazi üzrədirsə, şagird məktəbə qəbul olunacaq”.

 

Versus.Az

Xəbər lenti

InvestAZ

Ən çox oxunan xəbərlər

Rövnəqi, Cahangiri, Əhmədi müzakirə edib qurtarmamış...

Rayonlara gediş-gəlişin bərpa oluna biləcəyi TARİX

MÜSTƏQİL DÖVLƏTİN MÜSTƏQİL LİDERİ

Məktəblərin açılması ilə bağlı VACİB AÇIQLAMA

Fırıldaqçıların ən sevdiyi şifrələr

Milli Şuraya Okeanın o tayından da irad bildirildi

Zidan “Real”ı tərk edir?

FAMİL QULAMİ ADLI VƏTƏN

Şəhidin qızı Tərtərin icra başçısına səsləndi

Sərt karantin rejimi yumşaldıldı: 

Dövlət qurumlarında çalışanların işə çağırılması ilə bağlı AÇIQLAMA

Livan ermənilərinin Dağlıq Qarabağa gətirilməsi cəhdinə RƏSMİ münasibət

Müdafiə Nazirliyi cəbhədəki vəziyyətlə bağlı məlumat yaydı

Azərbaycan və Türkiyə HHQ-nin qırıcıları təlim-məşq uçuşları keçiriblər - VİDEO

Daha iki nəfər koronavirusdan öldü: 79 yeni yoluxma - FOTO