Sabah YEL ÇƏRŞƏNBƏSİdir

Əski etiqadlarda qeyd edilib ki, torpağın altında - “qara nəhrdə” yatmış dörd cür külək Yer üzərinə çıxaraq müxtəlif libaslarda özünü göstərir. Mifologiyamızda ağ yel - ağ, qara yel qara, xəzri - göy, gilavar - qırmızı libasda təsvir edilir.

Yel çərşənbəsi günü yel bu dörd yellə birləşib dünyanı dolaşır, ərzi gəzib oyanmış suyu, odu hərəkətə gətirərək yazın gəlişindən xəbər verir.

Belə hesab edilir ki, Yelin “baba” hesab edilməsinin tarixi qədim yunanlara gedib çıxır. Şifahi yaradıcılığımızda Yelin Tanrılığı ilə bağlı müxtəlif nəğmə, əfsanə, rəvayət, mif, inanc və məsəllər yaranıb. Bu mərasim və ayinlər təkcə İlaxır çərşənbələrdə, Novruz şənliklərində deyil, ilin müxtəlif fəsillərində insanın Od, Su, Yel və Torpaq Tanrısına ehtiyacı olan məqamlarda icra edilib. 

Yel çərşənbəsinin ovqatını yaşayanların bayramı mübarək!