Sahib Alıyev: “Gələcəkdə daha sıx əməkdaşlığımız üçün böyük potensialımız var”

"Azərbaycan -İsrail əlaqələri tolerantlığa, iki xalqın bir -birinə xoş yanaşmaya dayanan dostluq və təhlükəsizlik üzərində qurulan əlaqələrdir".

Versus.Az xəbər verir ki, bunu Milli Məclisin deputatı Sahib Alıyev İsrail prezidentinin Bakı səfərinin əhəmiyyəti ilə bağlı açıqlamasında bildirib.

S.Alıyev Azərbaycanın müdafiə potensialının artmasında İsrailin, eləcə də İsrailin enerji təhlükəsizliyində Azərbaycanın oynadığı rolu qeyd edərək bu əlaqələrin mühüm əhəmiyyət kəsb etdiyini vurğulayıb:

“2016-20-ci illər arasında Azərbaycan silah sursatın 69 faizi məhz İsraildən alıb. İsrailin neftlə təminatının 40 faizi isə Azərbaycandan ödənib. Azərbaycan İsrailin enerji təhlükəsizliyində mühüm rol oynayıb. Artıq iki ölkə arasında əlaqələr daha da şaxələnir, genişlənir, dərinləşir”.

Deputat cənab Hersoqun səfəri çərçivəsində kibertəhlükəsizlik sahəsidə əməkdaşlıqlan danışdığını və bu sahənin bizim üçün olduqca mühüm olduğunu qeyd edib:

“İsrail kiberbtəhlükəsizliyin təminatı məsələsində dünyada ön yerdə dayanan ölkədir. İsraillə səhiyyə, çağdaş kənd təsərrüfatı sahəsində əməkdaşlığın geniş perspektivi var. İsrail prezidenti ilə Azərbaycan Prezidentinin keçirdikləri birgə mətbuat konfransında ölkə prezidentinin sözlərindən də belə məlum oldu ki, İsrail öz qazını Azərbaycanın təşəbbüsçüsü olduğu Cənub gəhıizi ilə qərbə çatdıra bilər. Bir sözlə, gələcəkdə daha sıx əməkdaşlığımız üçün böyük potensialımız var. Ümud edirəm ki, bu bütün gücü ilə reallaşdırılacaq. /hafta.az/

Tahirə Qafarlı