Beynəlxalq Muğam Mərkəzinin təşkilatçılığı ilə 4 tədbir keçirilib
Bu gün Beynəlxalq Muğam Mərkəzinin təşkilatçılığı ilə 4 tədbir təşkil olunub.
Mərkəzdən Versus.Az-a verilən məlumata görə, martın 16-da Beynəlxalq Muğam Mərkəzində Azərbaycan Respublikasının Prezidentinin sərəncamı ilə ümumtəhsil məktəblərinin 9-11-ci sinif şagirdlərinin “Ölkəmizi tanıyaq” devizi altında Naxçıvan Muxtar Respublikasından gəlmiş şagirlər üçün konsert təşkil edilib.
Konsertdə xanəndələr Hüseyn Məlikov, Rəvanə Əmiraslanlı, Rəvanə Qurbanova muğamlardan və xalq mahnılarından ibarət proqramla çıxış ediblər.
Daha sonra Muğam Mərkəzində “Dəyirmi masa” layihəsi çərçivəsində “Orta əsr musiqisi və musiqi alətlərinin tarixi” mövzusunda Beynəlxalq seminar keçirilib.
Novruz bayramı ərəfəsində Tərtər rayonunda Qacqınların və Məcburi Köçkünlərin İşləri üzrə Dövlət Komitəsi məcbur köçkünlər üçün salınmış şəhərcikdə bayram tədbiri keçirib.
Tədbirin bayram konserti proqramı Beynəlxalq Muğam Mərkəzinin təşkilati dəstəyi ilə həyata keçirilib.
Saat 19:00-da isə Beynəlxalq Muğam Mərkəzinin konsert zalında Avstriyalı professor, alətşünas, qədim alətlər bərpaçısı Tomas Şallbök və Milli Konservatoriyanın nəzdində “Əsrlərin sədası” adlı qədim musiqi alətləri ansamblının birgə konserti keçirilib.
Xəbər lenti
Xocalıda insan qalıqları AŞKAR EDİLİB
İtkin düşmüş, girov götürülmüş vətəndaşlarla əlaqədar...