"Dövlət başçısının əfv sərəncamı alqışlanmalıdır"

“Ölkədə son aylarda həyata keçirilən mühüm dəyişikliklər, xüsusilə, əhalinin sosial rifahının yaxşılaşdırılmasına yönəlik addımlar, o cümlədən, vergi və gömrük sahələrində aparılann islahatlar cəmiyyətdə rəğbətlə qarşılanıb".

Bunu Versus.Az-a açıqlamasında siyasi ekspert Əlabbas Məhərrəmli bildirib. Ekspert vurğulayıb ki, Prezident İlham Əliyevin əhalinin problemli kreditlərinin həllinə dair sərəncamı isə bu rəğbəti daha da gücləndirib:

"Dövlət başçısının və 1-ci vitse-prezident Mehriban Əliyevanın bu istiqamətdə verdikləri davamlı qərarlar əhalidə müsbət dəyişikliklərin dönməzliyi qənaətini yaradıb. Bu gün prezident İlham Əliyevin imzaladığı əfv sərəncamı isə nəzərdə tutulan məhbuslara və onların doğmalarına ən böyük hədiyyə oldu. Əfv sərəncamının şamil olunduğu yüzlərlə məhbusun ailəsi üçün bu müjdə bəlkə də həyatlarının ən xoş xəbərinə çevrildi. Əfv sərəncamının 10-larla müxalifətçiyə şamil edilməsi də göstərdi ki, prezident özünü hümanist siyasətində siyasi baxışlara görə ayrı-seçkiliyə yol vermir. O baxımdan, dövlət başçısının bu gün imzaladığı əfv sərəncamı milli həmrəyliyin möhkəmləndirilməsinə töhfə verən mühüm addım kimi qiymətləndirilməli və alqışlanmalıdır”.

LƏMAN
Versus.Az