“Aslan İsmayılov məhkəmədə xuliqanlıq edib”

“Dünən Aslan İsmayılov məhkəmədə hakimi itələyib və onun əynindəki paltarı cırıb. Bununla kifayətlənməyib bizim nümayəndəmizə də zərər yetirib”.

Bunu Versus.Az-a adı Aslan İsmayılov qalmaqalında hallanan MMP sədri Hafiz Hacıyev bildirib. Partiya sədri sosial mediada gedən məlumatların yalan olmadığını qeyd edib.

H.Hacıyev bildirib ki, Aslan İsmayılov Binəqədi rayon Polis bölməsində saxlanır və məhkəmədə baş verən olaya görə ondan ifadə alınıb:

“Polis nəyə görə bu məlumatı saxlayır? O zaman soruşmaq lazımdır, nəyə görə Hafiz Hacıyevdən ifadə almısınız. Ola bilər ki, indi kimlərsə məsələni gizlətsin, amma çox saxlaya bilməzlər. Mən özüm bu barədə ölkə prezidentinə məruzə edəcəm. Prezidentə, ailəsinə, mənə, məhkəmiyə, eləcə də başqalarına qarşı təhqiramiz fikirlər deyən bir adamı nəyə görə qoruyurlar? Görünür, Aslan İsmayılovun pulu bir az çoxdur və o pulu yeyənlər onu müdafiə eləmək istəyirlər. Amma mənasızdır. Biz də öz hüquqlarımızı müdafiə eləməyi bacarırıq. Həmin polislər Aslan İsmayılov tərəfindən paxırlarının açılmasından qorxurlarsa, bilsinlər ki, bizdə də məlumatlar var, biz də hər şeyi ortaya qoya bilərik”.

Kamran
Versus.Az