Azərbaycan hekayələri Fransada təqdim olundu

20:18 25-03-2019 | icon 66 | Mədəniyyət
Azərbaycan hekayələri Fransada təqdim olundu

Azərbaycan Dövlət Tərcümə Mərkəzinin, Azərbaycan ədəbiyyatının dünyada tanıdılması və təbliği çərçivəsində Fransada ərsəyə gətirdiyi “Azərbaycan Ədəbiyyatı Antologiyası” kitabının təqdimat mərasimi keçirilib.

 

Mərkəzdən Versus.Az-a verilən məlumata görə, Strasburqun mərkəzi “Kleber” Kitab Evində baş tutan tədbirdə Fransanın tanınmış elm, siyasət, ədəbiyyat adamları, Avropa institutları, o cümlədən Avropa Məhkəməsinin əməkdaşları, jurnalistlər və digər ictimaiyyət nümayəndələri iştirak ediblər.

 

Fransanın “Kapaz” Nəşriyyat Evi tərəfindən nəşr edilmiş kitabda İsmayıl bəy Qutqaşınlı, Cəlil Məmmədquluzadə, Əbdürrəhim bəy Haqverdiyev, Süleyman Sani Axundov, Mir Cəlal, İlyas Əfəndiyev, İsa Hüseynov, Sabir Əhmədli, İsi Məlikzadə, Yusif Səmədoğlu, Anar, Şahmar, Elçin, Mövlud Süleymanlı, Sara Oğuz, Dilsuz, Məmməd Oruc, Rafiq Tağı, Kamal Abdulla, Saday Budaqlı, Afaq Məsud, Nəriman Əbdülrəhmanlı, Etimad Başkeçid, İlqar Rəsul, Şərif Ağayar kimi Azərbaycan yazıçılarının hekayələri yer alıb.

 

Tədbiri giriş sözü ilə moderator, professor Tyeri Edmond açaraq, sözü əvvəlcə Azərbaycanın Avropa Şurası yanında daimi nümayəndəsi Fəxrəddin İsmayılova verib. Səfir Azərbaycan Dövlət Tərcümə Mərkəzi və “Kapaz” Nəşriyyat Evinin sıx əməkdaşlığının məhsulu olan “Azərbaycan Ədəbiyyatı Antologiyası” kitabının Fransada nəşrini təqdir edib və bu kitabın xalqımızın zəngin mədəniyyətinə açılan bir pəncərə rolu oynadığını bildirib.

 

Daha sonra söz Azərbaycan Dövlət Tərcümə Mərkəzinin İdarə Heyətinin sədri Afaq Məsuda verilib. Tədbir iştirakçılarına Mərkəzin yaradılması və fəaliyyəti haqqında qısa məlumat verən A.Məsud ədəbiyyatın ali missiyasından – ayrı-ayrı irqləri və millətləri təmsil edən dünya xalqlarının, əslində eyni ağrıların və sevgilərin daşıyıcısı olduğundan, tarix boyu bədii ədəbiyyatın bu qədim və əzəli doğmalığı dünya fikir müstəvisində yaşatdığından söz açıb, Azərbaycan dövlətinin, eləcə də Heydər Əliyev Fondunun milli ədəbiyyatımızın dünyada tanıdılması işinə göstərdiyi qayğı və diqqəti vurğulayıb.

 

Sonra söz alan Strasburq Universitetinin Türk Araşdırmaları Departamentinin direktoru, professor Stefan dö Tapia Azərbaycanın yerləşdiyi coğrafi ərazi, keçdiyi tarixi yol, daşıyıcısı olduğu mədəniyyət və mənsub olduğu dil qrupu haqqında geniş məlumatla çıxış edib.

 

Strasburq Universitetinin Dillər fakültəsinin dekanı, professor Jan-Pol Meyer antologiyaya daxil edilmiş əsərlərlə bağlı fikir və dəyərləndirmələrini bölüşüb və Mir Cəlalın “Dissertasiya” hekayəsin­dən bir parçanı səsləndirib.

Tanınmış fransız yazıçı Mişel Kop onu xüsusilə təsirləndirmiş hekayələrlə bağlı təəssüratlarını bildirib və çıxışını A.Məsudun “Dovşanın ölümü” hekayəsinin oxunuşu ilə bitirib.

Daha sonra tənqidçi Jan Emmanuel Medina çıxış edərək, ərsəyə gətirilmiş kitabın hər iki ölkənin mədəni-ictimai həyatında əhəmiyyətli hadisə olduğunu qeyd edib.

Sonra “Kapaz” Nəşriyyat Evinin rəhbəri Albert Vak, əməkdaşlar Nicat Kazımov və Dilbadi Qasımov çıxış edərək, qarşıda duran perspektiv layihələr haqqında danışıblar.

Tədbirin sonunda çıxışçılar iştirakçıların suallarını cavablandırıblar və qonaqlara furşet təqdim olunub.

Kitabın yaxın zamanlarda Paris, Tuluza, Anje və digər şəhərlərin mərkəzi kitab­xanalarına, universitetlərinə yerləşdiriləcəyi, silsilə təqdimatlarla Fransanın ədəbi ictimaiyyətinə təqdim ediləcəyi gözlənilir.

Xəbər lenti

Üzümü “çürümə” xəstəliklərindən necə qorumalı

Sahədə gəzərkən salxımlar nəzərdən keçirilir və orada rast gəlinən çürümüş gilələr kəsilərək salxımdan kənarlaşdırılır

Gürcüstanın Azərbaycandakı səfiri Xarici İşlər Nazirliyinə çağırıldı, izahat istənildi

Prezident İlham Əliyev və D.Tuskun məzmunca bir-birindən fərqlənməyən fikirləri olduqca maraqlıdır

Avropa İttifaqı ilə Azərbaycan arasında yeni saziş üzrə aparılan danışıqlar da öz səmərəli nəticəsini verəcək"

DTX-nin Mədəniyyət Mərkəzində Ümummilli lider Heydər Əliyevin siyasi hakimiyyətə gəlişinin 50 illiyinə həsr olunmuş tədbir keçirilib

Əlləri niyə gündə bir neçə dəfə yuxarı qaldırmaq lazımdır?

Evinizə gələnləri belə qarşılayın - DİZAYN NÜMUNƏLƏRİ

 Niyamdan həmkarlarına sərt cavab

Tarixin simlərində

ABŞ-ın ən gözəl yanğınsöndürəni

Millət vəkili Vyetnamın vitse-prezidenti xanım Dang Thi Ngoc Thinhlə görüşüb

RAİ MeqaFon-u səhvini düzəltməyə məcbur edib 

Şəki Xan Sarayının ərazisinə giriş bir müddət bağlı olacaq - RƏSMİ

Dirijor Əyyub Quliyev Azərbaycanı beynəlxalq festivalda təmsil edib

“I Əkinçi Kuboku” mini-futbol turnirinin finalçıları məlum olub

Lökbatanda ticarət mərkəzində oğurluq 

İrəli
InvestAZ

Ən çox oxunan xəbərlər

Partiya sədrindən rektora AÇIQ MƏKTUB

14 iyul 1959-cu il - Kərkük soyqırımı...

Laçınlı məcburi köçkünlərdən BƏYANAT

“Bu infeksion xəstəlik insandan insana keçir”

Riyaz Sarıkahya Fuad Əliyevə başsağlığı verib

"Sovet İttifaqında doğulan hər kəs Rusiya vətəndaşlığı ala bilər" - BƏYANAT

“Nə yazıq ki, “Kərkük soyqırımı” ilə bağlı heç bir film çəkib səsimizi dünyaya duyura bilmədik”

Şəkidə çoxəsrlik çinar ağacı necə aşdı? /VİDEO/

713-cü batalyonun şəhidləri

Ölmüş insanın şəklini evdə saxlamaq olmaz - SƏBƏB?

ZİYASIZ ZİYALILAR...

Tələbə rektordan diplomunu oynaya-oynaya aldı - QEYRİ-ADİ TƏQDİMAT /VİDEO/

“Səddam rejimi türkçülüklə, dillə bağlı hər şeyi yasaq etdi”

Kəsik qolların harayı və "Amerika idealizmi"

Yasəmən Qaraqoyunlu Türk soyqırımlarının tarixi-siyasi səbəblərini açıqladı