Azərbaycanda bu kəndlərə qar yağdı
430 |
Gündəm
Qax rayonunun bəzi dağ kəndlərinə qar yağıb. Gecə saatlarından başlayan yağış səhər saatlarından etibarən qara çevrilib.
Versus.Az sputnik.az-a istinadən xəbər verir ki, qar, rayonun əsasən dağlıq ərazilərində yerləşən İlisu, Sarıbaş, Qaşqaçay və Ağçay kəndlərinə düşüb. Yağıntı ilə əlaqədar dağ kəndlərinə gedən avtomobil yollarında nəqliyyatın hərəkətində problem yaranmayıb. Lakin, yerli camaat yağan qarın fəsadlarından narahatdır. Beləki, Qaşqaçay kənd sakini Həzrət Quliyev bildirir ki, yağan qar çiçəklərə ziyan vura bilər. Bu da məhsuldarlığın azalmasına səbəb ola bilər.
Hazırda həmin kəndlərdə qar yağmaqda davam edir. Qeyd edək ki, Zaqatalanın və Balakənin də bəzi dağ kəndlərinə qar hələ də yağır.
Versus.Az
Xəbər lenti
"Sosial işçilər həmin şəxsi tapıb ona yardım göstərsin"
"Öz vəzifə borcunu layiqincə yerinə yetirən məmurlar da var"
