Alim Qasımovun fotoları YUNESKO-nun igamətgahında asılacaq
415 |
Mədəniyyət
Azərbaycanı dünyada tanıdan xanəndə Alim Qasımovun məşhur fotoqraf tərəfindən çəkilmiş iriölçülü fotoları Fransanın dövlət, təhsil və mədəniyyət ocaqlarında asılacaq.
Versus.Az "report"a istinadən xəbər verir ki, fotolar Parisdə Fransada Azərbaycanın Dostları Assosiasiyasının və Fransanın Yaxın Şərq və Avropa üzrə Müasir İncəsənət İnstitutunun (SAPEM) təşkilatçılığı, Azərbaycan Respublikasının Fransadakı səfirliyi və Paris Azərbaycan Evinin dəstəyi ilə ərsəyə gəlmiş "Yeddi gözəl" musiqi layihəsi çərçivəsində hazırlanıb.
Azərbaycanlı musiqiçinin fotoları Fransanın müxtəlif təşkilatlarında, habelə Parisdə yerləşən Fransua Mitteran adına Dövlət Kitabxanasında, Konyak şəhərinin meriyasında, Fransa radiosunda, YUNESKO-nun igamətgahında və digər binalarda asılacaq.
Fransada start verilmiş "Yeddi gözəl" musiqi layihəsinə 7 videoklip, Azərbaycanın dahi şairi Nizami Gəncəvinin sözlərinə yazılmış, A.Qasımovun ifasında "Qara Torpaq" adlanan muğam musiqisindən ibarət disk, A.Qasımovun 12 fotosu, xanəndə haqqında kitab və mədəni tədbirlər daxildir.
Versus.Az
Xəbər lenti
“Bu yaxınlarda parlament seçkisi olacaq”
“Əslində seçki nə qədər tez olarsa, o qədər yaxşıdır"
