Həməd bin Abdullah bin Xudeyr: “Səudiyyə Ərəbistanı və Azərbaycan qardaş, dost ölkələrdir”
Kral Salman bin Əbdüləziz Al Səud Azərbaycanla əlaqələrin inkişafına xüsusi əhəmiyyət verir
Səudiyyə Ərəbistanı Krallığının Azərbaycandakı fövqəladə və səlahiyyətli səfiri Haməd bin Abdullah bin Səud bin Xudeyr Versus.az-a açıqlamasında bildirib ki, Səudiyyə Ərəbistanı və Azərbaycan qardaş, dost ölkələrdir:
“Ölkəmizdə hər kəs Azərbaycanı yaxından tanıyır və sevir. Kral Salman bin Əbdüləziz Al Səud Azərbaycanla əlaqələrin inkişafına xüsusi əhəmiyyət verir. Qardaş ölkəyə səfir təyin olunmagımdan çox məmnunam. Çalışacagam ki, Azərbaycanda fəaliyyət göstərdiyim müddətdə yüksək səviyyədə olan əlaqələrimizin daha da inkişaf etdirilməsinə, möhkəmləndirilməsinə öz töhfələrimi verim”.
Səfir Haməd bin Abdullah bin Səud bin Xudeyr əlavə etdi ki, iqtisadi-ticari, investisiya, kənd təsərrüfatı və digər sahələrdə əməkdaşlığın genişləndirilməsi üçün çox yaxşı imkanlar var. Hər iki ölkənin potensialının mövcud əlaqələrimizin daha da möhkəmləndirilməsi üçün gözəl zəmin yaratdıgını vurgulayan diplomat bu istiqamətdə səylərini əsirgəməyəcəyini qeyd etdi.
Ağanisə Sultanova
Versus.Az
Xəbər lenti
Azad Xankəndinin ilk körpəsi ilə bağlı PAYLAŞIM
33 ildən sonra ilk azərbaycanlı körpənin dünyaya...