“Ufuq Uras və onun kimi səviyyəsizlik kompleksi yaşayan insanlar…”

“Türkiyədə fəaliyyət göstərən bu təşkilat “erməni soyqırımı”, Qarabağ məsələsində Türkiyə və Azərbaycanın mövqeləri və maraqları xaricində hər şeyi dəstəkləyirlər”.

Bunu Versus.Az-a Türkiyənin Qafqaz Araşdırmaları Mərkəzinin rəhbəri Həsən Oqtay keçmiş millət vəkili, Türkiyə Yaşıllar və Sol Gələcək Partiyasının yetkilisi, QHT rəhbəri Ufuq Urasın rəhbərliyi ilə Xankəndinə səfər edən nümayəndə heyətinin separatçılarla görüşləri barədə açırlamasında bildirib.

Qeyd edək ki, Qarabağa Azərbaycanın izni olmadan səfər edən Uras orada qondarma “erməni soyqırımı”nın da Türkiyə tərəfindən rəsmən tanınmasını arzuladığını bildirib.

H.Oqtay bildirib ki, Ufuq Uras həm köhnə marksist solçu, həm də yeni AB-çi olaraq Türkiyəyə qarşı olan hər bir blokda yer almaqla səviyyəsizlik kompleksi yaşayır:

“O, Qarabağa səfəri Türkiyəyə və Azərbaycana qarşı bir təhlükəsizlik kimi dəyərləndirir. Ona görə də Ufuq Uras və onun kimi səviyyəsizlik kompleksi yaşayan insanlar Türkiyəyə qarşı hər bir pis olayın içində yer alılar”.

Ləman
Versus.Az