Partiya sədri, müavinləri və funksionerləri bu dəstək kampaniyalarına qoşulublar

AXCP sədri Razi Nurullayev, partiya sədrinin müavinləri və funksionerləri “Cümhuriyət” qəzeti və Cebhe.info xəbər portalının redaksiyasında olublar.

Bu gün bir sıra qəzetlər Azərbaycan Respublikası Prezidenti yanında Kütləvi İnformasiya Vasitələrinə Dövlət Dəstəyi Fondundan (KİVDF) maliyyə dəstəyi ilə nəşrini davam etdirir. Lakin maliyyə çətinliyi nəticəsində nəşrini dayandıran, dövriliyini azaldan qəzetlər də var.

Versus.Az-ın məlumatına görə, Gündəlik nəşr olunan “Cümhuriyət” qəzeti də maliyyə sıxıntıları yaşasa da, milli düşüncəli insanların dəstəyi ilə nəşrini davam etdirir. Bir müddət öncə qəzet “Cümhuriyətçi ol” abunə kampaniyasına başlayıb. Bu günə qədər adıçəkilən qəzet və saytın çoxsaylı dostları, Elçibəysevərlər, milli düşüncəli ziyalılar abunə kampaniyasına qoşulublar.