Şəhid Ülvin Məmmədovun xatirəsi anılıb
Səxavət Məmmədov: "Məktəbimizin hər bir şagirdinə Ülvin və onun döyüş yoldaşlarını örnək götürmələrini tövsiyyə edirəm"
Laçın rayon 37 nömrəli tam orta məktəbin müəllim kollektivi və şagirdlər hər il olduğu kimi, bu il də Aprel döyüşləri zamanı şəhid olan Ülvin Cəmaləddin oğlu Məmmədovun əziz xatirəsini yad ediblər.
Versus.az-ın məlumatına görə, məktəbin direktoru, müəllim kollektivi və şagirdlər Ulvin Məmmədovun qəbirüstü abidəsini ziyarət ediblər, abidənin önünə tər güllər düzüblər.
Məktəbin direktoru Səxavət Məmmədov Aprel döyüşlərinin Azərbaycan Ordusunun yüksək vətənpərvərlik ruhunu əks etdirdiyini bildirib:
“Biz bir daha əmin olduq ki, ordumuz Ali Baş Komandanın əmri ilə bütün torpaqlarımızı qısa müddətdə işğaldan azad etmək qüdrətindədir. Mən məktəbimizin hər bir şagirdinə Ülvin və onun döyüş yoldaşlarını örnək götürmələrini tövsiyyə edirəm”.
Şəhidin məzarı üzərinə tər güllər düzüldükdən sonra şagirdlər şəhidlərimizə aid şeirlər söyləyiblər.
Versus.Az
Xəbər lenti
Paytaxtın bəzi ərazilərində yeni parklar salınacaq
Yeni parklar paytaxtın altı istiqamətində salınacaq