BDU-nun tələbələri Koreya dili nitq müsabiqəsinin qalibi olublar

16:18 08-04-2019 | icon 309 | Təhsil
BDU-nun tələbələri Koreya dili nitq müsabiqəsinin qalibi olublar

 

Bakı Dövlət Universitetində IX Azərbaycan Koreya dili nitq müsabiqəsi keçirilib.


Versus.Az xəbər verir ki, BDU -nun mətbuat xidmətindən verilən məlumata görə, Rektor Elçin Babayev və Koreya Respublikasının ölkəmizdəki fövqəladə və səlahiyyətli səfiri Kim Tonq-op tədbiri açaraq müsabiqə iştirakçılarına uğurlar arzu ediblər.


Rektor Elçin Babayev dünyanın 20 nəhəng ölkəsindən biri olan Koreya ilə Azərbaycanın tarixi köklərinin kəsişməsindən danışaraq ökələrarası münasibətlərin yüksək səviyyədə olmasında bu amilin böyük rol oynadığını bildirib. Koreya universitetləri ilə əməkdaşlıq məsələlərinə diqqət çəkən rektor bu istiqamətdə yeni ideyaların yaxın zamanlarda reallaşacağından bəhs edib.
Səfir Kim Tonq-op müsabiqənin Koreya dilinin inkişafında böyük önəmindən danışıb. Bildirib ki, bir ölkəyə sevgi və maraq onun tarixi və ədəbiyyatının çox oxunması ilə nəticələnir. Bu baxımdan, IX Azərbaycan Koreya dili nitq müsabiqəsi həm də Koreya dilində bilgiləri ifadə edən müsabiqədir.


Səfir birinci mərhələdən keçən və müsabiqə iştirak hüququ qazanmış 10 nəfər tələbənin hər birinin potensialını yüksək qiymətləndirib.
“Samulnori” Koreya milli zərb alətlərində tələbələrin ifası təqdim edildikdən sonra münsiflər heyəti və iştirakçılar təqdim edilib. Sonra Naxçıvan Dövlət Universitetinin müəllimi Li Cin və Azərbaycan Texnologiya Universitetinin müəllimi Ülviyyə Məmmədova Koreya dilinin tədrisi ilə bağlı təqdimat ediblər.


Tələbələrin çıxışlarına baxış keçirildikdən sonra qaliblər müəyyənləşib. Birinci yerə Bakı Dövlət Universitetinin Şərqşünaslıq fakültəsinin Koreyaşünaslıq ixtisasının 3-cü kurs tələbəsi Novruzəli Sadıxlı, 2-ci yerə BDU-nun Sosial elmlər və psixologiya fakültəsinin 3-cü kurs tələbəsi Emiliya İsmayılzadə, 3-cü yerə BDU-nun Koreyaşünaslıq ixtisasının 4-cü kurs tələbəsi Aynurə Allahyarova layiq görülüblər. Qaliblər 500, 400 və 300 manat pul mükafatına, bütün iştirakçılar isə sertifikatlara layiq görülüblər.
Qeyd edək ki, müsabiqədə, eyni zamanda, K-POP rəqs performansı nümayiş etdirlib və lotereya oyunu keçirilib.

 

Versus.Az

Xəbər lenti

InvestAZ

Ən çox oxunan xəbərlər

Şəhidlik zirvəsinə yüksələn daha bir QƏHRƏMANIMIZ

Xuraman Qasımova: “Prezidentin Şuşa səfərini izləyəndə ağladım”

20 YANVAR - Faciə və qəhrəmanlıq tariximiz

Sülhməramlıların fəaliyyətini necə qiymətləndirirsiz?

"Qarabağda ermənilərlə birgə yaşamaq üçün vaxt lazımdır"

“Pielonefrit insanların bütün yaş qruplarında tez-tez təsadüf edilən XƏSTƏLİKLƏRDƏNDİR

"Azərbaycan hər an rus-erməni təxribatına hazır olmalıdır"

"Kəlbəcər uğrunda" və "Vətən müharibəsi iştirakçısı" medallı qəhrəmanımız

"ABŞ-ın demokratiya illuziyaları puç oldu" - MÜSAHİBƏ

ALDP-dən 20 Yanvar faciəsinə VİDEO-ÇARX

"Bu vəsaiti şəhid ailələrinə, qazilərə vermək lazım idi"

"Vətən məni çağırsa, yenə getməyə hazıram"

Hafiz Hacıyevdən Ramiz Mehdiyevlə bağlı daha bir FAKT

AĞLAMA, QƏRƏNFİLİM…

"Bu, Türkiyə-Azərbaycan hərbi müttəfiqlik müqaviləsinin bağlanmasına gətirib çıxaracaq"