İsraildə seçkilərin ilkin nəticələri açıqlandı
İsrailin Mərkəzi Seçki Komissiyası parlament seçkilərinin ilkin nəticələrini açıqlayıb.
Versus.Az xəbər verir ki, bu barədə qurumun rəsmi saytında məlumat dərc olunub.
Məlumata görə, səslərin 96 faizinin hesablanmasından sonra İsrail baş naziri Benyamin Netanyahunun hakim "Likud" partiyası müxalifətin "Kaxol-Lavan" mərkəzçi blokunu cüzi fərqlə üstələyir.
Netanyahunun partiyası beləcə Knessetdə 37 mandat qazanıb. Benni Qansın (Benny Gantz) başçılıq etdiyi müxalifət bloku isə 36 deputatla parlamentdə təmsil olunacaq.
Bundan əvvəl yayılan ekzit-pol nəticələri isə Qansın qələbə çalacağı ehtimallarını artırmışdı. İlkin nəticələr açıqlanmazdan əvvəl hər iki partiya lideri tərəfdarları qarşısında öz qələbələrini elan etmişdi.
Versus.Az
Xəbər lenti
Zəngilan, Cəbrayıl və Qubadlı sakinlərinə ŞAD XƏBƏR
Bu il Zəngilan sakinləri öz evlərinə köçəcəklər