Laçının 37 saylı məktəbində "Yaşıl məktəb" layihəsi həyata keçirilib

10:56 11-04-2019 | icon 1113 | Təhsil
Laçının 37 saylı məktəbində "Yaşıl məktəb" layihəsi həyata keçirilib

Müəllim və şagirdlər 70 ağac tingi əkiblər, mövcud yaşıllıqlara aqrotexniki qulluq göstəriblər

 

 

Xəbər verdiyimiz kimi, Azərbaycan Respublikasının Təhsil Nazirliyi və SOCAR-ın Ekologiya İdarəsinin tərəfdaşlığı ilə "Yaşıl məktəb" layihəsinə start verilib. Bu layihə artıq Azərbaycanın digər şəhər, rayon və kənd məktəblərində də həyata keçirilir.

 

Ağcabədi rayonunun Taxta körpü qəsəbəsində yerləşən Laçın şəhər 37 saylı tam orta məktəbdə də "Yaşıl məktəb" layihəsi çərçivəsində yaşıllıq zolaqları salınıb. Məktəbin direktoru Səxavət Məmmədov Versus.Az-a açıqlamasında bildirib ki, məktəbin bağında yaşıllaşdırma tədbirləri çərçivəsində 70 ağac tingi əkilib, mövcud yaşıllıqlara aqrotexniki qulluq göstərilib.

 

Direktor qeyd edib ki, layihə çərçivəsində keçirilən ekoloji tədbirdə məktəbin pedaqoji kollektivi ilə yanaşı şagirdlər də iştirak ediblər. “Tezliklə dogma elimizdə, Laçında məktəbimizin bağını yaşıllaşdırmağı arzu edirəm” deyən Səxavət Məmmədov vurğulayıb ki, ağacəkmə aksiyasından sonra şagirdlərin ekoloji təfəkkürünü inkişaf etdirmək və ekologiyanın qorunmasının vacibliyini bildirmək məqsədilə onlarla ekoloji mövzuda müzakirələr aparılıb.

 

Məlumat üşün qeyd edək ki, "Yaşıl məktəb" layihəsinin əsas məqsədi məktəbyanı sahələrin yaşıllaşdırılması, məktəblilərə calaqetmə vərdişlərinin aşılanması, canlı guşələrin və məktəb oranjeriyasının yaradılmasının təmin edilməsindən ibarətdir.

Həmçinin, canlı aləmə münasibətdə düzgün yanaşmanın vərdişə çevrilməsi əsas hədəflərdəndir.

 

A.Zeynallı
Versus.Az

Xəbər lenti

InvestAZ

Ən çox oxunan xəbərlər

Əfəndilər, Yardımlı da Azərbaycandır

Röyanın Moskva konserti təxirə salındı - SƏBƏB?

Moskvadakı dəhşətli terrorda ölənlərin sayı 150-yə çatıb

Rusiyada teraktda yaralananların durumu açıqlanıb

Ayılar üçün maraqlı əyləncə

Artritə səbəb olan 5 mühüm SƏHV

İdmançımız Almaniyada keçirilən turnirdə ikinci qızıl medalını qazanıb

Tarixçidən maraqlı faktlar

İtlər hətta simvolları da anlayırlar

Gündə 1 dəqiqə cəfəri çeynəyin

Şəfalı olduğu düşünülən bu bitkilər böyrəkləri çürüdür

Gimnastlarımız Dünya Kubokunda finala yüksəliblər

Dəri problemlərindən mərciməklə xilas olun

Bu iki ədviyyatı birgə istifadə edin

Ən sürətli qol