Elina məsələsində hər kəsin öz prizması

17:04 12-04-2019 | icon 501 | Kürsü
Elina məsələsində hər kəsin öz prizması

Sosial şəbəkələr həyatımıza elə girib ki…

 

ƏLABBAS MƏHƏRRƏMLİ

 /siyasi ekspert/

 

Son günlər ölkədə bir neçə neqativ hadisə baş verdi ki, onların da ən faciəlisi məktəbli Elinanın intiharıdır. İntihardan bu günə mətbuatda və sosial şəbəkələrdə mövzu ətrafinda çoxlu müzakirələr gedir, hər kəs məsələyə öz prizmasından yanaşır. Məktəb direktorunu qınayan kim (hətta həbsini istəyirlər), Elinanın məktəb yoldaşlarını qınayan kim, valideyinləri qınayan kim...

 

Yanaşmalar çox müxtəlifdir. Sonucda məsələ ölkə rəhbərliyi tərəfindən nəzarətə götürüldü. Xüsusi tapşırıqlar verildi, istintaq gedir, yəqin yaxın vaxtlarda dəqiq məlumat açıqlanar. Mənim deyəcəklərim isə valideyinlərə, ələxüsus da analaradır.

 

Əziz valideyinlər, gəlin məsələlərin ciddiliyinin fərqinə varaq. Əziz analar, ailə ənənələrimizi nəzərə alsaq, övladlarımız biz atalardan çox sizin yanınızda və nəzarətiniz altında böyüyürlər. Gəlin, övladlar üzərində nəzarəti gücləndirək. Ola bilər kiminsə müəllimi kobud olsun, kiminsə müəllimi mülayim olsun. Amma çox mürəkkəb zamanda yaşadığımızı unutmayaq. 21-ci əsrdə, müasirliyin aşıb-daşdığı vaxtda, internet üzərindən dünyanın o tayı ilə bir saniyə ərzində əlaqə yaradılan zamanda zərərli meyllərin mövcudluğunu nəzərə almalıyıq. Ailələrdəki söz-söhbətlər övladların gələcəyinə pis təsir edir. Görürsüz, intihar edən məktəblinin ailəsində problemlərin olması da mediada qabardılır. Direktorun yayılmış səs yazısında da bu, açıqca deyilir. Bax, bunun nəticəsidir ki, nəzarətsizlikdən belə faciələr baş verir. Əziz valideyinlər, biz övladlarımızı qapalı böyüdə bilməyəcəyik, biz onları telefonsuz saxlaya bilməyəcəyik, biz onları “Youtube”, “İnstaqram”, “Faceboo”, “Vhatsap”sız saxlaya bilməyəcəyik. Niyə? Cünki dövrün tələbi belədir. Sosial şəbəkələr həyatımıza elə girib ki, onlarsız həyatı təsəvvür edə bilmirik. Belə bir çətin vaxtda heç olmasa, övladlarımıza nəzarəti gücləndirək.

 

Hamımız bir ağızdan müəllimləri qınayırıq. Bəli, onların da arasında mənfi tiplər var. Ancaq fərqinə varmırıq ki, bir məktəbdə minlərlə uşaq təhsil alır, o uşaqların formalaşma dövrü, psixoloji yetkinlik dövrləri, bioloji yetişmə dövrləri məktəb illərinə təsadüf edir. Nəzarətdən cıxa bilirlər. Dediklərim xoş görünməyə bilər, ancaq bunlar acı həqiqətdir. Məktəblərdə yaradılan Valideyin Komitələri əslində ailə-məktəb bağlarını gücləndirməli idi, “süpürgə pulu”nun yığılması ilə məşğul olmamalı idi. Hər bir ailədəki vəziyyəti sinif rəhbəri, məktəb pisixoloqu, məktəb direktoru bilməlidir. O uşaqla fərdi söhbət aparılmalıdır, uşağa fərdi yanaşılmalıdır. Ailə, qadın, uşaq problemləri üzrə Dövlət Komitəsi məncə, boşanmış ailələrə psixoloji yardım göstərilməsini təmin etməlidir. Dağılmış ailələrin övladlarını məktəb rəhbərliyi ilə birlikdə nəzarətdə saxlamalıdır.

Ümumiyyətlə, yaxşı olar ki, ailənin rəsmiləşdirilməsində də, dağılmasında da Ədliyyə Nazirliyi ilə yanaşı, hansısa bir formada o Komitənin yəni Ailə, Qadin, Uşaq problemləri üzrə komitənin iştirakı olsun. Təhsil Nazirliyi sinifdəki say kvotasına diqqət etməlidir. 30-40 uşaq bir sinifdə necə oxuya bilər? Evdə 2-3 uşağa nəzarət edə bilməyən valideyin məktəbdə müəllim kimi o qədər şagirdə necə nəzarət etsin?

 

Bir sözlə, sosial problemlər çox və mürəkkəbdir. Qənirə xanım Paşayeva demişkən, durum Elinadan üzr istəməkdən başqa yol qoymur. Səni qoruya bilmədik. Kimlərinsə ucbatndan…

Xəbər lenti

InvestAZ

Ən çox oxunan xəbərlər

ALDP Bayraq Gününü belə qeyd etdi - VİDEO

AXCP sədr müavini: Dəyişən Rüstəm İbrahimbəyovun yerində Əli İnsanovun olmasıdır

“İstənilən səpgi ilə müşayiət olunan xəstəliklərdə həkimə müraciət etmək lazımdır”

"Azərbaycan Prezidentinə şikayət etməyimə mane olurlar"

"Bu, inteqrasiya deyildi, bu müxalifətin inteqrasiyasına zərbə idi"

İraq türklərinin mənəvi lideri Riyaz Sarıkahyanın ailəsinə ağır itki üz verib

"Proporsional seçki sistemi ləğv olunandan sonra, vətəndaşlarda partiyalara maraq azaldı"

“Bu xəstəlik vaxtı vanna qəbul etmək olmaz”

Qarabağ xanı Mehdiqulu xanın bayrağı və ona həsr olunmuş kitabın təqdimatı

"Əli İnsanovun onlarla birgə olması ilk öncə özünə təhqirdir"

BSU-da Dövlət Bayrağı Gününə həsr olunmuş tədbir keçirilib

Ciyər xərçənginin ilkin əlamətləri açıqlandı

Sevindik Nəsiboğlu görkəmli şərqşünasın 80 illiyinə şeir həsr etdi

Darçının tərkibində gizlənən ÖLÜM SİRLƏRİ

Qadının ən gizli orqanının sirri açıldı