Deputat Qazaxıstanın növbədənkənar seçkilərindən danışdı

18:15 17-04-2019 | icon 682 | Geopolitika
Deputat Qazaxıstanın növbədənkənar seçkilərindən danışdı

 

Azərbaycan Qazaxıstanda baş verən hadisələri həmişə diqqətlə izləyir.

 

Versus.Az trend-ə istinadən bildirir ki, bunu Azərbaycan deputatı Aydın Mirzəzadə "Kazinform" agentliyinə müsahibəsində deyib.

 

A.Mirzəzadə əmin olduğunu bildirib ki, Qazaxıstanda növbədənkənar seçkilər Nursultan Nazarbayevin mütərəqqi kursunun davam etdirilməsi məqsədilə yeni dövlət başçısını seçməyə imkan verəcək:

 

"Şübhə yoxdur ki, seçkilər demokratik, qanuna və hüquq normalarına uyğun şəkildə keçiriləcək. Qazaxıstan bu seçkilərlə müasir tarixinin yeni səhifəsini açacaq. Qazaxıstana bu seçkiləri ən yüksək səviyyədə keçirməyi, dünyaya öz demokratik dəyərlərini göstərməyi arzulayırıq".

 

Deputat vurğulayıb ki, Qazaxıstan Azərbaycanın böyük dostudur: "Ölkə müstəqillik əldə etdikdən sonra regionda sülhün, təhlükəsizliyin, sabitliyin təmin olunması baxımından çox şey edib. Atılmış addımlar güclü, müstəqil və demokratik dövlət qurmaq imkanı verib".

 

O əlavə edib ki, Azərbaycanın deputat korpusu Qazaxıstanda növbədənkənar seçkilərin elan olunmasına hörmət və anlayışla yanaşır: "Bu, ölkənin Konstitusiyasında yer alan daxili siyasi prosesdir. Biz bu prosesi izləyəcəyik və heç bir şübhə yoxdur ki, seçkilər qanun çərçivəsində, demokratik ab-havada keçiriləcək və xalq öz layiqli övladını seçəcək".

 

Qeyd edək ki, ölkəyə 30 ilə yaxın müddətdə rəhbərlik edən N.Nazarbayev martın 20-də istefa verib. Bundan əvvəl Senatın sədri olan, hazırda prezident səlahiyyətlərini icra edən K.Tokayev növbədənkənar prezident seçkilərinin iyulun 9-da keçiriləcəyini bəyan edib.

 

Versus.Az

Xəbər lenti

InvestAZ

Ən çox oxunan xəbərlər

Əfəndilər, Yardımlı da Azərbaycandır

Moskvadakı dəhşətli terrorda ölənlərin sayı 150-yə çatıb

Rusiyada teraktda yaralananların durumu açıqlanıb

Ayılar üçün maraqlı əyləncə

Artritə səbəb olan 5 mühüm SƏHV

İdmançımız Almaniyada keçirilən turnirdə ikinci qızıl medalını qazanıb

Tarixçidən maraqlı faktlar

İtlər hətta simvolları da anlayırlar

Gimnastlarımız Dünya Kubokunda finala yüksəliblər

Gündə 1 dəqiqə cəfəri çeynəyin

Şəfalı olduğu düşünülən bu bitkilər böyrəkləri çürüdür

Dəri problemlərindən mərciməklə xilas olun

Bu iki ədviyyatı birgə istifadə edin

Ən sürətli qol

Növbədənkənar Parlament seçkiləri GÜNDƏMƏ GƏLDİ