Tibb fakültəsinin 100 illik yubileyinə həsr olunmuş beynəlxalq elmi-praktik konfrans 

16:21 18-04-2019 | icon 614 | Təhsil
Tibb fakültəsinin 100 illik yubileyinə həsr olunmuş beynəlxalq elmi-praktik konfrans 

 

Azərbaycanda Tibb fakültəsinin yaradılmasının 100 illiyi qeyd olunub

 

Versus.Az xəbər verir ki, Aprelin 18-də Azərbaycanda Tibb Universitetinin ilkin maddi-texniki və professor-müəllim kontingenti bazasını təşkil edən Tibb fakültəsinin 100-illik yubileyinə həsr olunmuş “Təbabətin aktual problemləri-2019” beynəlxalq elmi-praktik konfrans keçirilib.

 

Tədbir iştirakçıları əvvəlcə universitetin foyesində Ümummilli Lider Heydər Əliyevin büstünü ziyarət ediblər. Himn səsləndirildikdən sonra konfrans işinə start verib.

 

Konfransda açılış nitqi ilə çıxış edən Azərbaycan Tibb Universitetinin (ATU) rektoru, professor Gəray Gəraybəyli qeyd edib ki, Azərbaycan Respublikasının Prezidenti cənab İlham Əliyev Bakı Dövlət Universitetinin yaranmasının 100 illik yubileyinin dövlət səviyyəsində keçirilməsi haqqında Sərəncam imzalayıb: “Bu Sərəncamın müddəaları birbaşa həm də Azərbaycan Tibb Universiteti kollektivinə aiddir. Çünki 1919-cu il sentyabrın 1-də yaradılan Bakı Universitetinin nəzdində ilkin mərhələdə cəmi iki fakültə fəaliyyət göstərirdi. Onlardan biri “Tibb fakültəsi”, ikincisi isə “Tarix-filologiya” fakültəsi olub. Məhz Tibb fakültəsinin nəzdində 1930-cu ilin mayın 9-da Azərbaycan Dövlət Tibb İnstitutu yaradıldı. Ona görə də bu yubiley həmçinin Azərbaycan Tibb Universiteti kollektivinin də bayramıdır”.

 

Rektor G.Gəraybəyli Bakı Universitetinin nəzdindəki Tibb fakültəsinin tarixi, burada dərs deyən ziyalı və alimlər, onların ölkədə tibb təhsilinin inkişafı naminə gördüyü işlər haqqında danışıb. Qeyd edib ki, tibb fakültəsinin inkişafında Mustafa bəy Topçubaşov, Mirəsədulla Mirqasımov, Əziz Əliyev, Fuad Əfəndiyev, Kamil Balakişiyev, Məmmədəmin Əfəndiyev, İvan Şirokoqorov, Nadir Məmmədli, Ümnisə Musabəyli, Hüseyn Əliyev, Möhsün Qədirli, Sona xanım Vəlixan və digər məşhur Azərbaycan alimlərinin böyük xidmətləri olub. Rektor qeyd edib ki, Azərbaycan Tibb Universiteti və Bakı Dövlət Universiteti həmişə sıx tellərlə bir-birinə bağlı olublar: “Bu möhtəşəm birlik hazırda da müvəffəqiyyətlə davam edir. 11 il ərzində vətənə şərəflə xidmət edən Tibb fakültəsi Azərbaycan səhiyyəsinin, Azərbaycan tibb elmi və tibb təhsili sistemlərinin, bütövlükdə dövlətimizin və xalqımızın tükənməyən milli sərvətidir”.

 

Çıxışının sonunda rektor G.Gəraybəyli bir daha yubiley münasibətilə hər kəsi təbrik edib və konfransın işinə uğurlar arzulayıb. Sonra Tibb fakültəsinin 100 illik yubileyinə həsr olunmuş sənədli video-çarxı nümayiş etdirilib.

Konfransda Bakı Dövlət Universitetinin rektoru Elçin Babayev bu tarixi hadisə münasibətilə ATU kollektivini təbrik edib. ATU-nun yeniləndiyini, BDU-nun isə yenilənməyə başladığını qeyd edib: “Hər iki universitetdə yeniliklər aparılır. ATU və BDU arasında əməkdaşlıq üçün böyük potensial var. Görüləcək bütün işlər Vətən və dövlət naminə olmalıdır”.

Türkiyənin Cərrahpaşa Universitetinin rektoru, Professor Doktor Aydın Nuri çıxışında Azərbaycan və Türkiyə arasında tibb təhsili sahəsindəki əlaqələrdən danışıb.
Açılış nitqlərindən sonra ATU-nun tələbələrindən ibarət mahnı və rəqs kollektivlərinin çıxışı izlənilib.

Daha sonra konfransın işinə start verilib. İsrailin Gertner İnstitutundan Epidemiologiya və İctimai Sağlamlıq üzrə mütəxəssis professor Moşe Papa, ATU-nun Histologiya, embriologiya və sitologiya kafedrasının müdiri prof. Eldar Qasımov, Süa diaqnostikası və şüa terapiyası kafedrasının müdiri, dos. Məlahət Sultanova, Ümumi cərrahiyyə və anesteziologiya kafedrasının müdiri, t.e.d. Elçin Ağayev və digərlərini məruzələri dinlənilib.

Fasilədən sonra konfrans işini 3 paralel sessiyada davam etdirib. Bu zaman “Sinir hüceyrələri eksperimental endotoksemiya şəraitində ultrastruktur xarakteristikası və morfometrik parametrlərinin SPSS Statistics kompüter proqramı vasitəsilə analizi”, “Koronar angioqrafiya: diaqnostik və proqnostik imkanlar”, “Qarın boşluğu orqanlarında innovasion texnologiyaların tətbiqi ilə icra edilən mürəkkəb laparoskopik əməliyyatlar” mövzusunda məruzələr dinlənilib, Ürək-ağciyər reanimasiyaları zamanı çətinliklər, koronar şuntlama əməliyyatlarında anesteziya kimi məsələlər ətrafında müzakirələr aparılıb. Konfransda Türkiyə, Rusiya, İsraildən qonaqlar iştirak ediblər.

 

Versus.Az

Xəbər lenti

InvestAZ

Ən çox oxunan xəbərlər

Əfəndilər, Yardımlı da Azərbaycandır

Röyanın Moskva konserti təxirə salındı - SƏBƏB?

Moskvadakı dəhşətli terrorda ölənlərin sayı 150-yə çatıb

Rusiyada teraktda yaralananların durumu açıqlanıb

Ayılar üçün maraqlı əyləncə

Artritə səbəb olan 5 mühüm SƏHV

İdmançımız Almaniyada keçirilən turnirdə ikinci qızıl medalını qazanıb

Tarixçidən maraqlı faktlar

Gündə 1 dəqiqə cəfəri çeynəyin

Şəfalı olduğu düşünülən bu bitkilər böyrəkləri çürüdür

Gimnastlarımız Dünya Kubokunda finala yüksəliblər

İtlər hətta simvolları da anlayırlar

Dəri problemlərindən mərciməklə xilas olun

Bu iki ədviyyatı birgə istifadə edin

Almaniya səfərdə Fransanı məğlub etdi