“Azərbaycan xalqı bu şəkildə yaşamağa layiq deyil”

09:54 22-04-2019 | icon 283 | Siyasət
“Azərbaycan xalqı bu şəkildə yaşamağa layiq deyil”

Razi Nurullayev: “Hakimiyyət elə bir şərait yaradıb ki, siyasətlə məşğul olmaq mümkün deyil”

 

“Bunların hamısı kiminsə beyninin məhsuldur və düzgün deyil. Azərbaycanda normal siyasətçi çoxdur, xalqın dəyər verdiyi siyasilər var. Sadəcə olaraq, Azərbaycanda hakimiyyət elə bir şərait yaradıb ki, siyasətlə məşğul olmaq mümkün deyil”.

 

Bu sözləri Versus.Az-a ictimaiyyətdə səsləndirilən “bu gün müxalifət zəif olduğuna görə, yeni siyasi qüvvə yetişmir” fikirlərinə açıqlamasında AXCP sədri Razi Nurullayev deyib.

 

Partiya sədri vurğulayıb ki, insanların siyasətlə nəyəsə nail olmaq ümidi azalıb:

 

“O qədər siyasi düşüncəli gənclər, siyasət qurmaq istəyən insanlar var ki, toplaşıb bir partiya da yarada bilərlər. Amma onlar düşünürlər ki, bir siyasi partiya yaradacaqlar, heç o partiyanı qeydiyyata da almayacaqlar. Buna görə də heç kim məhz müxalifət zəif olduğu üçün yeni siyasi qüvvənin yetişmədiyini səbəb göstərməsin”.

 

Azərbaycanın bu gün artıq kifayət qədər oturuşmuş bir ölkə olduğunu qeyd edən Razi Nurullayev vurğulayıb ki, pis-yaxşı, oturuşmuş bir müxalifət də var:

 

“Azərbaycanın aktivləri də var, qeyri hökumət təşkilatları da var. Azərbaycan nə Şimali Koreyadır, nə Türkmənistandır, nə Tacikstan, nə Özbəkistan, nə də Qırğızıstan. Azərbaycanın bir demokratik dövlətçilik ənənəsi də olub. Və bu gün demək olmaz ki, hər şey pisdir, Azərbaycan batıb, yox, belə deyil. Azərbaycanın pis-yaxşı özünəlayiq demokratiyası var. Azərbaycanda mediya qismən də olsa azaddır, sosial şəbəkələr azaddır. Narazılığımız bundan ibarətdir ki, Azərbaycanın imkanları var, dövlətçilk, demokratik ənənəsi var, pulu, nefti, qazı var, savadlı insanları da var, azərbaycan əhalisi daha yaxşı yaşaya bilərdi. Azərbaycan xalqı bu gün bu şəkildə yaşamağa layiq deyil”.

 

 

SEVDA
Versus.Az

Xəbər lenti

InvestAZ

Ən çox oxunan xəbərlər

“Fuad Abbasovu aradan götürmək istəyirlər”

"Fuad Abbasov kimi həmyerlilərimizə arxa durmalı, dəstək verməliyik"

Bu qədər də sınmaq, düşmək olmaz!

“12 illik həsrətdən sora evimizin 2-ci mərtəbəsinə qalxıb hönkür-hönkür ağladım”

Keçmiş döyüşçülər: "Ali baş komandanın əmrini gözləyirik

YAP-çı deputat: “Fuad Abbasov qanı erməni qanına qarışmış azərbaycanlı diaspor nümayəndələrinin vasitəsilə saxlanılıb”

“Cinayətkar” ola biləcəmsə, nə mutlu mənə

Fuad Abbasovun ailəsi məhkəmə qərarlarına qarşı apellyasiya şikayəti verir

Erməni Xocalıda Azərbaycan uşaqlarının qanı ilə pərvazlanır...

“…İşğalçı dövlətə qarşı sanksiya tətbiq edilsin” - MÜSAHİBƏ

Allahına və dövlətinə güvənən Şəhidim – ƏFİLAĞA HƏSƏNOV

“Fuad Abbasovun deport olunması məqsədilə saxlanılmasını qınayırıq”

“Ailəmi dolandırmaq üçün xəstəliklərin yayıldığı Yəmənə getməyə məcbur oldum”

"Laçın hələ işğal edilməmişdən mənim işğala görə həbsim ssenariləşdirilmişdi" - MÜSAHİBƏ

Tarix İnstitutunun Keşikçidağla bağlı BƏYANATI