"Həkim səhlənkarlıq edibsə, məhkəmə qarşısında cavab verəcək"

Səhiyyə Nazirliyi Sabirabad Perinatal Mərkəzində İmişli rayon sakini Mürsəlova Nurdan Telman qızının yeni doğulan körpəsinin həkim səhlənkarlığı nəticəsində ölməsi ilə bağlı iddialara münasibət bildirib.

Versus.Az Trend-ə istinadən xəbər verir ki, nazirliyin mətbuat xidmətinin məlumatına görə, ölümlə bağlı məhkəmə tibbi ekspertizanın verdiyi rəydən sonra hüquq-mühafizə orqanları işi araşdıracaqlar:

"Bu barədə məlumatı da onlar verməlidirlər. Əgər həkim səhlənkarlığı varsa, həkim məhkəmə qarşısında cavab verəcək".

Qeyd edək ki, İmişli rayon sakini Mürsəlov Mirəziz Mirağa oğlu İmişli Rayon Polis Şöbəsinə yeni doğulmuş nəvəsinin ölümü ilə əlaqdar müraciət edib. Şikayətçi nəvəsinin həkim səhlənkarlığından dünyasını dəyişdiyini iddia edib.

Faktla bağlı İmişli Rayon Prokurorluğu tərəfindən araşdırma aparılır.