“Namaz qılmağa hazırlaşıram”

“Mən oruc tuta bilərdim, dərman qəbul etdiyimə görə tuta bilmədim. Amma namaz qılmağa hazırlaşıram”.

Bunu versus.az-a açıqlamasında aktrisa Naibə Allahverdiyeva deyib. O, orucluq ərəfəsində insanların davranış və münasibətlərində də müsbətə doğru ciddi bir dəyişiklik hiss etmədiyini önə çəkib:

“Çoxları guya Allah adamı olduqlarını göstərmək üçün oruc tuturlar. Amma görürəm ki, necə idilərsə elə də davam edirlər. Ola bilər ki, kimsə bu müqəddəs bəzi pis xasiyyətlərini tərgidib, insani keyfiyyətlərini artırır. Amma görürəm ki, orucluq bitəndən sonra yenə pis əməlindən qalmır. İnsandırsa, bütün ömrü boyu oruclu olmalıdır. Yəni pis əməldən, yalandan, iftiradan uzaq olmalıdır. Yoxsa “bir ay orucam” deyə özünü cilovlayıb, sonra yenə pis əməllərə başlamağı qəbul etmirəm. Yenə də dua edirəm ki, Allah insanları düz yola gətirsin, pis əməllərdən yayındırsın”.

Mirvari
Versus.az