İslam həmrəyliyi ili münasibətlə Abşeron rayon Mədəniyyət Mərkəzində İslam ölkələrinin nağılları səhnələşdirilib.
Versus.az bildirir ki, “Nağıllarımızı yaşadaq” adı altında keçirilən tədbirdə 2-6-cı sinif yaş səviyyəsində şagirdlər iştirak ediblər.
Şagirdələr müxtəlif islam ölkələrinin nağıllarını çox məharətlə səhnələşdiriblər. 39 orta məktəb içərisindən 6 məktəb finala vəsiqə qazanıb.
Bu gün final mərhələsi keçirilib. Abşeron rayon Xırdalan Şəhər 7 saylı orta məktəb Kazak xalq nağılı “Qoca və pəhləvan”ı səhnələşdirib. Məktəbin 6-cı sinif şagirdi Arif Pənahlı nağılın baş qəhrəmanı qoca obrazını canlandırıb. Onun aktyorluq məharəti münsiflər heyətinin üzvləri tərəfindən xüsusi rəğbətlə qarşılanıb. Görkəmli qrafika ustası, xalq rəssamı Arif Hüseynovun “Sən böyük bir aktyor olacaqsan” sözləri Arifi daha da ruhlandırıb.
Qeyd edək ki, Abşeron rayon Xırdalan Şəhər 7 saylı orta məktəb qalib olmasa da yaxşı iştiraka görə xüsusi diploma layiq görülüb. Məktəbin təmsilçilərindən Arif Pənahlı aktyorluq bacarığına görə diqqəti çəkib. Məktəblimizə Arif Hüseynovun illüstrasiyaları ilə hazırlanmış Azərbaycan xalq nağılları kitabı hədiyyə edilib.
ARZU
Versus.az