Azərbaycanın xanım incisi – akademik Zərifə Əliyeva
Sədaqət Qurbanova: “Onun həyatı barədə məlumatlar aldıqca, Azərbaycan qadını olmağınla qürur hissi keçirirsən”
“Azərbaycanın çox xanım inciləri var ki, elm və digər sahələrdə ölkəsinin adını yüksəklərə qaldırıblar. Onlardan biri də akademik Zərifə xanım Əliyevadır. O qadın Azərbaycanın incilərindən biridir”.
Versus.Az xəbər verir ki, bunu “Azərkitab” Mərkəzində keçirilən tədbirdə Ailə, Qadın və Uşaq Problemləri üzrə Dövlət Komitəsinin sədr müavini Sədaqət Qəhrəmanova bildirib.
Aprelin 28-də akademik Zərifə Əliyevanın doğum günüdür və bu münasibətlə keçirilən anım tədbirdə örnək qadınlarımızın cəmiyyətin inkişafında rolu bir daha önə çəkilib:
“Zərifə xanım doğrudan da çox maraqlı şəxsiyyətdir. Hər dəfə onun həyatı barədə məlumatlar aldıqca, Azərbaycan qadını olmağınla qürur hissi keçirirsən”.
S.Qurbanova bildirib ki, biz özümüzdən öndə dayanan xanım örnəklərimizdən nümunə götürməsək heç vaxt inkişaf edə bilmərik:
“Qadınlar bir-birinin uğuruna sevinməsə, keçdiyi tarixə baxıb qürurlanmasa, heç nə edə bilməz. Yəni bizi yaşadan tariximizdir, bizdən öndə olan xanım örnəklərimizdir. Uzaq tariximizə müraciət edəndə görürük ki, ən çətin zamanlarda belə cəsarətli xanımlarımız olub. O zamankı qadınlar özgür deyildi, onlara hər işi görməyə icazə verilmirdi. Amma buna baxmayaraq bizim şairə, diplomat, hər bir sahədə fəaliyyət göstərən cəsarətli xanımlarımız olub və onlar xanımlıqlarını itirmədən bacarıq və qabiliyyətlərini təqdim edə biliblər. Biz məhz o nəsillərdən gələn örnəkləri nümunə götürməliyik”.
GÖZƏL
Versus.Az
Xəbər lenti
Ermənistan və bir sıra xarici ölkələrin mediasında Azərbaycanla bağlı YALAN MƏLUMATLAR
"Bu, sistemli dezinformasiya hücumlarının tərkib hissəsidir"