“Mətbuat azadlığı: bəşəri mahiyyət və Azərbaycan reallıqları” - KONFRANS

11:45 03-05-2019 | icon 248 | KİV
“Mətbuat azadlığı: bəşəri mahiyyət və Azərbaycan reallıqları” - KONFRANS

"Əsas məqsəd odur ki, media iqtisadi baxımdan heç bir dövlət qurumundan, iş adamından, iqtisadi mərkəzdən asılı olmayan quruma çevrilsin"

 

Bu gün Bakıda Azərbaycan Mətbuat Şurasının təşəbbüsü ilə 3 may - Ümumdünya Mətbuat Azadlığı Gününə həsr olunmuş “Mətbuat azadlığı: bəşəri mahiyyət və Azərbaycan reallıqları” mövzusunda konfrans keçirilib.

 

Versus.Az xəbər verir ki, Mətbuat Şurasının sədri, Milli Məclisin deputatı Əflatun Amaşov bildirib ki, bu gün Azərbaycan mətbuatı kifayət qədər inkişaf edən realist, müstəqil, hadisələrə milli maraqlardan baxmağa qadir olan bir mediadır:

"Azərbaycanda baş verən hadisələr bu və ya digər yolla - istər sosial şəbəkələr, istərsə də media vasitəsilə ictimaiyyətə çatdırılır. İstənilən şəxs bu yolla öz fikirlərini yaya bilir. Bu gün Azərbaycanda 3 milyon insan sosial şəbəkələrdən istifadə edir".

 

Azərbaycan mətbuatının dünyanın inkişaf edən mediasının tərkib hissəsi olduğunu nəzərə çatdıran Ə.Amaşov bəzi problemləri də sadalayıb:

"Düzdür, bu gün problemlər var və bunlar iqtisadi məsələlərdən qaynaqlanır. Əsas məqsəd odur ki, Azərbaycan mediası iqtisadi baxımdan heç bir dövlət qurumundan, iş adamından, iqtisadi mərkəzdən asılı olmayan quruma çevrilsin".

 

"Yeni Azərbaycan" qəzetinin baş redaktoru, Milli Məclisin deputatı Hikmət Babaoğlu qeyd edib ki, Azərbaycanda mətbuat və söz azadlığı var:

"Bu günün jurnalistləri çox xoşbəxtdirlər ki, belə azad şəraiti olan mətbuat orqanlarında çalışırlar. Milli mətbuatımız bütün dövrlərdə qabaqcıl ideyaların carçısı və daşıyıcısı olub".

 

Beynəlxalq Avrasiya Mətbuat Fondunun (BAMF) prezidenti Umud Mirzəyev deyib ki, bu gün informasiya bolluğu şəraitində yalanla həqiqəti ayırd etmək çətin olur. Bu isə qlobal dünyada müəyyən neqativ hallara yol açır. Buna görə də informasiya seçimində diqqətli olmaq lazımdır.

 

Mətbuat Şurasının İdarə Heyətinin üzvü Azər Həsrət bildirib ki, Azərbaycanın işğal olunmuş Dağlıq Qarabağ zonasında 7 jurnalist Ermənistan Silahlı Qüvvələri tərəfindən qətlə yetirilib:

"Ilk olaraq, Salatın Əsgərova Dağlıq Qarabağda ermənilər tərəfindən qətlə yetirilib. Daha sonra orada 6 jurnalistimiz qətlə yetirilib. Bundan əlavə, Rusiyanın 2 jurnalisti də Dağlıq Qarabağda qətlə yetirilib".

 

A.Həsrət bu gün Azərbaycana qarşı bəzi çirkin işlərin aparıldığını da söyləyib:

"Osman Mirzəyevin qızı Sevinc Osmanqızı bu gün xaricdə atasının canını qoyduğu Azərbaycan dövlətinə qarşı çirkin işlər aparır. Xaricdə jurnalist Elmar Hüseynovun qətli üzərində çirkin manipulyasiyalar aparılır. Onun adı ilə qrantların alınmasına son qoyulmalıdır".

 

"525-ci qəzet"in baş redaktoru Rəşad Məcid isə qeyd edib ki, müasir Azərbaycan mətbuatı özünün möhkəm ənənələrinə söykənməli, maarifçilik ideyalarının təbliğinə geniş yer ayırmalıdır.

 

"Bakı xəbər" qəzetinin baş redaktoru Aydın Quliyev bildirib ki, dünyanın bir çox ölkələrində mətbuat siyasi rejimlərin, hətta kriminal aləmlərin əlindədir. Bu isə mətbuatın inkişafına mane olur:

"Azərbaycanda mətbuat kriminal dairələrin, ayrı-ayrı adamların əlində deyil. Dövlət mətbuata maliyyə yardımı göstərir. Bu da mətbuatın inkişafına kömək edir".

 

"Xalq cəbhəsi" qəzetinin baş redaktoru Elçin Mirzəbəyli isə gələcək jurnalistləri daha universal olmağa və xarici dil bacarığını təkmilləşdrməyə çağırıb.

Versus.Az

Xəbər lenti

InvestAZ

Ən çox oxunan xəbərlər

“Milli Məclisin ayrıca bir ittihamçı BƏYANATına ehtiyac var”

“Azərbaycan ultimatumla danışmağı məqbul saymır” - MÜSAHİBƏ

Bu tələbələrin təhsil haqqının ödənilməsi üçün yeni sistem istifadəyə verilib

Magistraturaya ayrılan yerlərin sayı məlum olub

Şəhidlərin nahaq qanı bizi bağışlamasın

Rüstəm Usubovla bağlı daha bir SƏRƏNCAM

Havadan XƏBƏR var

Kolleclərə sənəd verən abituriyentlərin sayı açıqlanıb

Hanı diplomatik bombalar?

İşğalçı ölkənin riyakarlığının son həddi

“Zəli ilə müalicə heç bir mənfi təsir vermir”

“Müdafiə naziri Paşinyanın vertalyotunu vurmalıydı” - MÜSAHİBƏ

Sabahdan 8 günlük bayram tətili başlayır

Prezident Ramazan bayramı münasibətilə Azərbaycan xalqını təbrik edib

Müəllimlərin onlayn müsahibələrinin nəticələri məlum olub