Əli Əliyev Əli İnsanov barədə yanıldığına təəssüf etdi
Əli Əliyev: “Əli İnsanov, qayıdın o yoldan, nə qədər gec deyil”
“Əli İnsanovun vətəndaş və insani haqlarını müdafiə edənlərdənəm. Həbsdəki yaşamına da sayğı ilə yanaşmışam. Amma heç zaman onun şovinistcəsinə regionçuluğuna hörmətim olmayıb. İnsanların 40-dan sonra dəyişdiyinə inanmıram. Amma düşünürdüm ki, hörmətli Akademik bu ağır taledən, aldığı dərslərdən nəticə çıxarar”.
Versus.Az xəbər verir ki, bunu özünün “Facebook” səhifəsində Vətəndaş və İnkişaf Partiyasının sədri Əli Əliyev yazıb. Partiya sədri təəssüf etdiyini vurğulayıb:
“Təəssüf... Çünki millətin indi ziyalılara, alimlərə, siyasət adamlarına zəruri dərəcədə ehtiyacı var. Hesab edirdim ki, Əli müəllim YAP-ın ölkəyə vurduğu zədələrdə, özünün nazir olarkən buraxdığı səhvlərdən və yeni baxışlarından danışacaq. Əfsuslar... Dünən "Amerikanın səsi" tv-nə verdiyi müsahibədə yaraşdırmadığım şəkildə yenidən milləti doğma və ögeyə böldü. Regionçuluqla bağlı əvvəldən hazırlanmış suala, çox biabırçı bir cavab verdi: "Adam əvvəl doğma anasını, sonra başqa anaları sevər".
Hörmətli Əli müəllim! Yetmədimi milləti daxildən ögey doğmalara böldünüz. Həbs həyatı da Sizə dərs olmadımı? Abdullayev və Umnyaşkin nümunələri Sizə yerliçiliyin yanlış olduğunu sübut etmədimi? Sizin əzmlə mübarizəyə atılacağınızı, qurulmasında yaxından iştirak etdiyiniz sistemin demontajında qatqınızı səbrsizliklə gözləyirdim. Növbəti dəfə heyfslənirəm ki, "Bu da belə!".”
Əli Əliyev Əli İnsanova müraciətlə “qayıdın o yoldan, nə qədər gec deyil”- deyə, səslənib:
“Dilində gözəl danışdığınız hayların təhlükəsi qarşısında, millətin vəhdəti mühüm dərəcədə zəruridir. Daxili parçalanma gücümüzü azaldır”.
LƏMAN
Versus.Az
Xəbər lenti
Azərbaycanda zəlzələ olub
Gəncə stansiyasından 17 km şərqdə, Goranboyda...