“DOST süfrəsi”ndə fiziki məhdudiyyətli şəxslərə iftar verilib
541 |
Cəmiyyət
Əmək və Əhalinin Sosial Müdafiəsi Nazirliyi Ramazan ayının başlaması ilə əlaqədar “DOST süfrəsi” adlı yeni aksiyaya başlayıb.
Versus.Az xəbər verir ki, həssas qruplardan olan bir qrup fiziki məhdudiyyətli şəxs üçün iftar süfrəsi açılıb. Bu tədbir iftar süfrəsi ətrafında əlilliyi olan şəxslərimizlə səmimi, mehriban ünsiyyət mühitində yaddaqalan bir görüşə çevrilib.
Ramazan ayının yüksək dəyərlərindən biri də iftar süfrəsini bölüşməkdir. “DOST süfrəsi” aksiyası bu dəyəri özündə ehtiva etməklə, mənəvi birlik, həmrəylik duyğularının, qarşılıqlı hörmət və mehribanlıq hisslərinin cəmiyyətdə güclənməsinə töhfə vermək məqsədi daşıyır.
Qeyd edək ki, estafet növbəti gün üçün Vətəndaşlara Xidmət və Sosial İnnovasiyalar üzrə Dövlət Agentliyinə ötürülüb. Bildirilib ki, estafetin ötürülməsini gözləmədən hər kəs kampaniyaya qoşula bilər❗
Aksiyanı davam etdirəcək qurumlar və ya şəxslər bu barədə "Facebook" səhifələrində postlarını #dostsüfrəsi “hashtag”ı altında paylaşacaqlar.
SEVDA
Versus.Az
Xəbər lenti
Zəngilan, Cəbrayıl və Qubadlı sakinlərinə ŞAD XƏBƏR
Bu il Zəngilan sakinləri öz evlərinə köçəcəklər
