Böyük bəstəkar Arif Məlikov vəfat etdi
Azərbaycanın dünya şöhrətli bəstəkar, Xalq artisti Arif Məlikov 85 yaşında vəfat edib.
Versus.Az xəbər verir ki, bu barədə mərhumun yaxınları məlumat veriblər.
Bildirilib ki, bəstəkarla vida mərasimi bu gün saat 14:30-da Bakı Musiqi Akademiyasında keçirilləcək. Mərhum I Fəxri Xiyabanda dəfn ediləcək.
Qeyd edək ki, bəstəkar və rəssam, Azərbaycan Respublikasının əməkdar incəsənət xadimi, xalq artisti, Dövlət mükafatı laureatı, professor Arif Cahangir oğlu Məlikov 13 sentyabr 1933-cü ildə Bakı şəhərində anadan olub. O, 1958-ci ildə Üzeyir Hacıbəyli adına Azərbaycan Dövlət Konservatoriyasını Qara Qarayevin bəstəkarlıq sinfi üzrə bitirib. Həmin ildən orada dərs deməyə başlayıb. A.Məlikov son günlərədək orada professor və bəstəkarlıq kafedrasının müdiri kimi çalışırdı.
Görkəmli türk şairi Nazim Hikmətin librettosu əsasında yazdığı ilk böyük əsəri - ”Məhəbbət əfsanəsi” baleti Arif Məlikova dünya şöhrəti qazandırıb.
Bəstəkar “Şöhrət”, “İstiqlal”, “Heydər Əliyev” ordenləri ilə təltif edilib.
Allah rəhmət eləsin!
Versus.Az
Xəbər lenti
181 avtobus yeni nəqliyyat mübadilə mərkəzindən hərəkət edəcək
Avtobuslar üçün nəqliyyat şəraitinin yaxşılaşdırılması ilə yanaşı...