“Bu, müxalifətin xeyrinə olacaq”
Fuad Əliyev: “Gələcəkdə istənilən birliklərlə əməkdaşlığımız mümkündür”
"ADP ilə Ümid Partiyasının müttəfiqliyini çox müsbət qiymətləndirirəm. Partiyalar cəmiyyətin demokratikləşməsi ideyası ilə nə qədər çox təşkilatlanarsa, bu ancaq müxalifətin xeyrinə olacaq".
Bunu Versus.Az-a Azərbaycan Liberal Demokrat Partiyasının sədri Fuad Əliyev Ümid Partiyası və ADP-nin müttəfiqliyi ilə yaranan yeni hərəkat və siyasi partiyaların məsələyə reaksiyası ilə bağlı açıqlamasında bildirib.
ALDP sədri bildirib ki, əslində bütün təşkilatlar, o cümlədən təmsil olunduğu Azərbaycan Xalq Hərəkatı da məhz cəmiyyətin demokratikləşmə ideyasını ortaya qoyur. Lakin məsələlərə fərqli yanaşmalar var.
F.Əliyev AXN-nin gələcəkdə eyni ideya daşıyıcısı olan siyasi təşkilatlarla əməkdaşlıq məsələsinə toxunub:
“Bu gün Azərbaycan Xalq Hərəkatı daha geniş spektırı əhatə edir. Biz burdayıq və hələ ki, hansısa təşkilata keçmək istəyində deyilik. Lakin gələcəkdə istənilən birliklərlə əməkdaşlığımız mümkündür”.
F.Əliyev eyni zamanda bildirib ki, təmsil olunduğu qurum indiki şəraitdə seçkilərə qatılmağı düşünmür:
"Demokratkləşmə prosesi şəffaf seçki mühitinin yaradılmasından keçir. Biz indiki şərtlərlə seçkilərdə iştirak etməyi düşünmürük. Çalışacağıq ki, demokratik seçkinin keçirilməsi üçün qanuni yollar öz həllini tapsın ki, seçkidə iştirak edə bilək. Hələlik isə bugünkü seçki məcəlləsi, seçki kamissiyaları ilə seçkilərə qatılmaq istəmirik”.
LƏMAN
Versus.Az
Xəbər lenti
Zəngilan, Cəbrayıl və Qubadlı sakinlərinə ŞAD XƏBƏR
Bu il Zəngilan sakinləri öz evlərinə köçəcəklər