AXCP-dən növbəti BƏYANAT

"Azərbaycan və Gürcüstan müttəfiq, dost ölkələrdir. Azərbaycanlılar və gürcülər tarix boyu dostluq, mehribanlıq şəraitində yaşayıblar. Bəli, tarixdə zaman-zaman hər iki ölkə arasında müəyyən problemlər çıxıb. Lakin xarici qüvvələrin marağında olan, onların təsiri və təziqiylə yaranan bu anlaşılmazlıqlar qısa müddətdə sülhlə aradan qaldırılıb".

Versus.Az-ın məlumatına görə, bu barədə AXCP-nin bu gün yaydığı bəyanatda bildirilir.

Bəyanatda deyilir:

Bu gün də Azərbaycan və Gürcüstan strateji müttəfiqdirlər, mehriban qonşudurlar, dövlətçilik və digər maraqları baxımından da biri-birlərinə ehtiyyacları var.

Son günlər Azərbaycanın Ağstafa rayonu ərazisində yerləşən "Keşikçidağ" məbədi ətrafında yaranan anlaşılmazlıq da hər iki dövlətin inkişafını, suverenliyini, azadlığını istəməyən xarici qüvvələrin, düşmənlərimizin birbaşa təsiriylə süni yaradılıb və qızışan xətt üzrə idarə olunur.

Azərbaycan Xalq Cəbhəsi Partiyası (AXCP) Azərbaycan və Gürcüstan xalqlarını, ictimaiyyətini ayıq, həssas, soyuqqanlı olmağa, provikasiyaya getməməyə çağırır. Bu gün Azərbaycan və Gürcüstanın dostluğa, müttəfiqliyə ehtiyacları var. Kənardan xırda görünən sözügedən problem hər iki xalq, dövlət üçün artıq təhlükəyə çevrilməkdədir. Biz, iki qonşu, dost xalq əsla düşmənə icazə verməməliyik ki, aramıza nifaq salsın. Bu, hər iki tərəfin də ziyanına olar.

"Keşikçidağ" məbədi ətrafındakı anlaşılmazlığa gəldikdə isə, hər kəsə məlumdur ki, bu monastr Azərbaycan ərazisində yerləşir. Və Gürcüstan tərəf, rəsmi Tbilis də bunu belə qəbul edib. Bu günə kimi necə olubsa, bundan sonra da Gürcüstan vətəndaşları rahat şəkildə bu monastrı ziyarət edə bilirlər. Bunun üçün onlara heç bir zaman maneə törədilməyib, bundan sonra da törədiləcəyinə inanmırıq.

AXCP olaraq bir daha bildiririk ki, bu süni yaradılan, əsassız problemə, anlaşılmazlığa qısa müddətdə son verilməlidir".

Versus.Az